एप्पलको शेयरमा भारी गिरावट, एक दिनमै गुमायो ७८ अर्ब डलर

Jan 04, 2019 Merolagani


विश्वको सबैभन्दा ठूलो कम्पनीको रुपमा रहेको अमेरिकी कम्पनी एप्पलको शेयरमा बिहीबार भारी गिरावट आएको छ । एक दिन भित्रमा नै कम्पनीलाई ७५ अर्ब डलर नोक्सान भएको छ ।

एप्पलले एक दिन पहिले मात्र सन् २०१८ को अन्तिम त्रैमासका लागि आफ्नो अनुमानित आय घटाएर ८४ अर्ब डलरमा झारेको थियो । योभन्दा पहिले ८९ देखि ९३ अर्ब डलर आयको अनुमान लगाएको थियो ।

विगत १५ बर्षमा पहिलोपटक एप्पलको अनुमानित आयमा कमी गरिएको हो । योसँगै कम्पनीको शेयरमा १० प्रतिशतले गिरावट आएको छ । प्रविधि कम्पनीवाला नेस्डाक सूचांक ३.१ प्रतिशतले घटेर बन्द भएको थियो ।

चीनको अर्थव्यवस्थामा कमजोरी र नयाँ आइफोनको विक्री आशा गरे अनुसार नभएका कारण आय अनुमान घटाइएको बताइएको छ ।

आइफोन एप्पलको प्रमुख उत्पादन हो । कम्पनीको राजस्वमा आइफोन विक्र्रीको दुई तिहाई हिस्सेदारी रहेको छ । एप्पलले सन् २००७ मा आइफोन लन्च गरेको थियो । एप्पल विश्वको सबैभन्दा ठूलो कम्पनी हो ।

अगस्ट २०१८ मा यसको बजार पूँजीकरण एक ट्रिलियन डलर पुगेको थियो । कम्पनीले अरु प्रविधि कम्पनी अमेजन, माइक्रोसफ्ट र फेसबुकलाई पछि पार्दै आफ्नो पूँजीकरण एक ट्रिलियन डलर पुर्याएको थियो । एजेन्सी

comments powered by Disqus

कुमार जी अगस्त मुनी शेयर संवाद (२०७५, प्रथमोध्याय !)

Jan 21, 2019

- रामु खनाल (शेयर बजार बिश्लेषक)
कुमारजी उवाच, हे मुनिवर, हजुरका मुखार बिन्दुबाट शेयर बजारको बारेमा धेरै कुराहरूको ज्ञान प्राप्त भइ यी कानहरु पवित्र भइरहे तर पनि मन अझै तृप्त हुन सकेन। बजारको पछिल्लो अवस्थाको बारेमा केहि बताइदिनुहोस् प्रभु भन्दै दुबै हात जोडी कुमारजी अगस्त मुनी सामु बस्दा भए ।