घलेम्दी हाइड्रोको आईपिओमा २.६४ गुणा बढी आवेदन,एक जनालाई न्यूनतम कति पर्ला ?

Jan 08, 2019 Merolagani

घलेम्दी हाइड्रोको आईपिओमा आबेदन गर्ने सबैले न्युनतम २० कित्ता शेयर पाउने निश्चित भएको छ । कम्पनीको शेयर निष्काशन तथा बिक्री प्रबन्धक भिबोर क्यापिटलका अनुसार २.६४ गुणा बढी आवेदन परेको छ ।

आबेदकको संख्या कम भएकोले न्युनतम २० कित्ता शेयर पाउने निश्चित भएको हो । कम्पनीले पुस १९ गतेदेखि एक सय रुपैयाँ अंकित दरमा १५ करोड ३३ लाख ७७ हजार रुपैयाँ बराबरको १५ लाख ३३ हजार ७७० कित्ता आईपिओ निष्काशनमा ल्याएको हो ।

कम्पनीको आईपिओमा ५४ हजार ८४३ आबेदनबाट ४१ लाख २२ हजार ४६० कित्ताको लागि आबेदन परेको बिक्री प्रबन्धक भिबोर क्यापिटलले जनाएको छ । आवेदनहरु प्रमाणिकरण गर्ने क्रममा रहेले यो आवेदन संख्यामा कमी आउन सक्ने बिक्री प्रबन्धक भिबोर क्यापिटल जनाएको छ ।

धितोपत्र निष्काशन तथा बिक्री नियमावली अनुसार सबै आवेदनलाई पहिलो चरणमा २० कित्ताका दरले ११ लाख १६ हजार ८६० कित्ता वितरण गरिने छ। बाँकी ४ लाख ३८ हजार ९१० कित्ता शेयर फेरी १० कित्ताका दरले वितरण गर्दा ४३ हजार ८९१ जनाले थप पाउनेछ ।

बिक्री प्रबन्धक भिबोर क्यापिटलका अनुसार एक साता भित्रै आईपिओ बाडफाँड हुनेछ । घलेम्दीले पहिलो चरणमा आयोजना प्रभावितका लागि निष्काशन गरेको अवितरित शेयर सहित कूल १५ करोड ५५ लाख ७७ हजार रुपैयाँ बराबरको १५ लाख ५५ हजार ७७० कित्ता शेयर निष्काशन गरेको हो ।

पचपन्न करोड रुपैयाँ जारी पूँजी रहेको आयोजनामा संस्थापकको ७० प्रतिशत अर्थात ३८ करोड ५० लाख लगानी रहेको छ । आयोजनामा स्थानीयबासिन्दा र सर्वसाधारणको गरि ३० प्रतिशत अर्थात १६ करोड ५० लाख रुपैयाँ लगानी रहने छ ।

कूल एक अर्ब १५ करोड रुपैयाँ लागत अनुमान गरिएको ५ मेगावाटको घलेम्दी जलविद्युत आयोजना म्याग्दीको अन्नपूर्ण गाउँपालिका–४ नारच्याङमा निमार्ण भइरहेको छ । नब्बे प्रतिशतभन्दा बढी पूर्वाधार निर्माणको काम सकेको उक्त आयोजनाले आगामी फागुनमा विद्युत उत्पादनको तयारी गरेको छ ।

comments powered by Disqus

स्पर्श लघुवित्तको आईपिओ बाँडफाँड आइतबार, ९१% बढी आवेदकले नपाउने

Mar 22, 2019

स्पर्श लघुवित्त वित्तीय संस्था (SPARSHA) ले निष्काशन गरेको साधारण शेयर (आईपिओ) चैत १० गते आइतबार बाडँफाँड हुने भएको छ। बिक्री प्रबन्धक सानिमा क्यापिटलले आइतबार शेयर बाँडफाँड गर्ने जनाएको हाे।