मंगलबार मात्रै धितोपत्र बोर्डले खराब रेटिङ्ग पाएको कम्पनीलाई आइपिओ निष्काशनमा अनुमति नदिने निर्देशन जारी गरेको छ । तर शुभम पावरले बोर्डबाट यस अघि नै अनुमति पाईसकेको हुनाले शेयर निष्काशन गर्न नयाँ निर्देशनले असर नगर्ने धितोपत्र बोर्डले जनाएको छ।
कम्पनीले यसअघि स्थानीयलाई निष्काशन गरेको पुरै शेयर बिक्री नभएपछि बाँकी रहेको एक लाख ८० हजार ५८० कित्ता समेत गरी ५ करोड ८० लाख कित्ता शेयर निष्काशनमा ल्याउने तयारी गरेको हो ।
कम्पनीले शेयर निष्काशन तथा बिक्री प्रवन्धकमा सीबीआईएल क्यापिटलाई नियुक्त गरिसकेको छ । दुई चरणको आईपिओ पश्चात कम्पनीको चुक्तापूँजी २० करोड रुपैयाँ पुग्ने छ । जसमा संस्थापकको ७० र सर्वसाधारणको ३० प्रतिशत हिस्सा हुनेछ । कम्पनीले संखुवासभामा करिब एक मेगावाट क्षमताको पिलुवाखोला जलविद्युत आयोजना सम्पन्न गरी ०६८ साउन १ गतेदेखि बिजुली उत्पादन गरिरहेको छ ।