सुधारकाे कार्यक्रमकाे प्रभाव शेयरबजारमा , कारोबार रकम भने स्थिर

Jan 09, 2019 merolagani

धितोपत्र बोर्डको निर्देशनको प्रभाब बुधबारको शेयर बजारमा देखिएको छ । मंगलबार बोर्डले कमजोर÷खराब रेटिङ्ग पाएका कम्पनीहरूले आइपिओ निष्काशन गर्न नपाउने व्यवस्था लागु गरेपछि शेयर बजारले लय समातेको हो । रेटिङ संस्थाबाट न्यून ग्रेड वा कमजोर रेटिङ पाएको कम्पनीले सार्वसाधारण शेयर निष्काशन गर्न नपाउने भएपछि लगानीकर्ताहरू अाश्वस्त भएका हुन् ।

बुधबार २.२९ अंकले बढेको बजारमा मंगलबारको तुलनामा कारोबार रकम भने स्थिर देखिएको छ । मंगलबार ३४ करोड रूपैयाँको कारोबार भएको बजारमा आज बुधबार पनि ३४ करोड भन्दा बढीको काराेबार भएको छ ।

बुधबार नेप्से २.२९ अंकले बढेर ११७९.३६ बिन्दुमा पुगेको छ । १६६ कम्पनीका १५ लाख १३ हजार ९२१ कित्ता शेयर किनबेच भएर ३४ करोड ७८ लाख रूपैयाँ बराबरको कारोबार भयो ।

यस दिन ‘क’ वर्गका कम्पनीको सूचक मापन गर्ने सेन्सेटिभ इन्डेक्स पनि ०.४२ अंकले बढेर २५०.२६ बिन्दुमा पुगेको छ ।

आज कारोबारमा आएका १० उपसूचक मध्ये फाइनान्स र अन्य समूहको सुचक ऋणात्मक देखिएको छ । बाँकी ८ सुचक सकारात्मक देखिएका छन् ।

बुधबार सबै भन्दा धेरै उत्पादन तथा प्रशोधन समुहको सुचक १२.५७ अंकले बढेको छ । यस्तै जीवन बीमा ९.७३, विकास बैंक ८.३२, निर्जीवन बीमा ६.३, होटल्स ५.४८, बाणिज्य बैंक २.४३, माइक्रोफाइनान्स २.४३ र हाइड्रोपावर ०.६८ अंकले सुधार भएका छन् ।

यस्तै सबै भन्दा धेरै अन्य समुहको सुचक १.११ अंकले घटेको छ । यस्तै फाइनान्स समुहको सुचक पनि ०.१८ अंकले ऋणात्मक भयो ।

बुधबार छिमेक लघुवित्तको संस्थापक शेयर सबै भन्दा धरै रकमको कारोबार भएको छ । लघुवित्तको ५ करोड ८६ लाख रूपैयाँ बराबरको कारोबार भएको हो । यस्तै नेपाल बैंकको ४ करोड ८८ लाख, एनआइसी एशिया बैंकको १ करोड ६३ लाख, प्रभु बैंकको १ करोड ४१ लाख नेपाल लाइफको १ करोड ३२ लाख, बैंक अफ काठमाडूको १ करोड २७ लाख, एनसीसी बैंकको १ करोड ८ लाख र प्राइम कर्मशीयल बैंकको संस्थापक शेयर १ करोड १ लाख रूपैयाँ बराबरको कारोबार भएका छन् बाँकी कुनै पनि कम्पनीको कारोबार रकम भने करोड नाघ्न सकेन ।

यस दिन सबै भन्दा धेरै भार्गव विकास बैंकको शेयर मूल्य ५.९७ प्रतिशतले बढेको छ । यस्तै हिमालयन पावर पार्टनरको शेयरधनीहरूले ४.९५ प्रशितले कमाएका छन् । हिमालयन डिष्टिलरी र ङादी ग्रुपको शेयरमूल्य ३ प्रतिशत भन्दा बढीले बढेका छन् ।

यसैगरी, मितेरी विकास बैंक, पन्चकन्या माई, कालिका लघुवित्त, दिब्यश्वरी हाइड्रोपावर, एनएमबी माइक्रोफाइनान्सका शेयरधनीहरूले २ प्रतिशत भन्दा बढीले कमाएका छन् ।

यता हाथवे फाइनान्सको शेयर मूल्य सबै भन्दा धेरै ३.२ प्रतिशतले घटेको छ । यस्तै सानिमा इक्युटीको इकाई मूल्य, आइसिएफसी फाइनान्स, सप्तकोशी विकास बैंक, किसान माइक्रोफाइनान्स, नागबेली लघुवित्तको शेयरधनीहरूले २ प्रतिशत भन्दा बढीले गुमाएका छन् ।

comments powered by Disqus

स्पर्श लघुवित्तको आईपिओ बाँडफाँड आइतबार, ९१% बढी आवेदकले नपाउने

Mar 22, 2019

स्पर्श लघुवित्त वित्तीय संस्था (SPARSHA) ले निष्काशन गरेको साधारण शेयर (आईपिओ) चैत १० गते आइतबार बाडँफाँड हुने भएको छ। बिक्री प्रबन्धक सानिमा क्यापिटलले आइतबार शेयर बाँडफाँड गर्ने जनाएको हाे।