स्ट्याण्डर्ड चार्टर्ड र कालिका लघुवित्तको लाभांश सुरक्षित गर्ने बिहीबार अन्तिम दिन

Jan 10, 2019 Merolagani

स्ट्याण्डर्ड चार्टर्ड बैंक (SCB) र कालिका लघुवित्त वित्तीय संस्थाको लाभांश सुरक्षित गर्ने बिहीबार अन्तिम दिन रहेको छ । दुबै कम्पनीले साधारण सभा र लाभांश वितरणका लागि आइतबार बुकक्लोज गर्देछन् । यसअनुसार बिहीबारसम्म कायम रहने शेयरधनीले मात्र लाभांश पाउनेछन् ।

पुस २५ गते बुधबार बैंककाे शेयर प्रतिकित्ता ६०५ रूपैयाँमा काराेबार भएकाे छ ।

स्ट्याण्डर्ड चार्टर्ड बैंकले गत आवको नाफाबाट शेयरधनीलाई १७.५० प्रतिशत अर्थात प्रतिशेयर १७ रूपैयाँ ५० पैसा नगद लाभांश प्रस्ताव गरेको छ । सो लाभांश पारित गर्न बैंकले माघ ७ गते दिउँसो १ बजे आर्मी अफिसर्स क्लब, भद्रकाली काठमाडौंमा ३२ औं साधारण सभा आह्वान गरेको छ ।

यस्तै सर्वसाधारण शेयरधनीको तर्फबाट बैंकको संचालक समितिमा प्रतिनिधित्व गर्ने गरी एक जना संचालकको निर्वचन गर्ने तयारी गरेको छ ।

८ अर्ब एक करोड १४ लाख रुपैयाँ चुक्ता पूँजी छ । चालु आर्थिक वर्षको पहलिो त्रैमासमा बैंकको प्रतिशेयर आम्दानी ३१ रुपैयाँ ६६ पैसा छ ।

उता कालिका लघुवित्त (KMCDB) को ८ प्रतिशत बोनस शेयर सुरक्षित गर्ने पनि बिहीबार नै अन्तिम दिन रहेको छ ।

साधारण सभा प्रयोजनको लागि लघुवित्तले पुस २९ गते आइतबार बुकक्लोज गर्ने भएकाले बिहीबार (पुस २६ गते) सम्म कायम शेयरधनीहले मात्रै लाभांश पाउनेछन् ।

पुस २५ गते बुधबार लघुवित्तकाे शेयर प्रतिकित्ता ९९४ रूपैयाँमा काराेबार भएकाे छ ।

लघुवित्तले माघ १९ गते बिहान ११ बजे होटल भेनस स्याङ्गजामा नवौं साधारण सभा डाकेको छ । साधारण सभामा संस्थाले उपयुक्त वित्तीय संस्थाहरू गाभ्नेरगाभिने तथा प्राप्ती गर्ने वा प्राप्ती हुन जाने प्रयोजनका लागि सञ्चालक समितिलाई अख्तियारी दिने विशेष प्रस्ताव गरेको छ ।

यस्तै सञ्चालक समितिले प्रस्ताव गरेको २०७५ असार मसान्तसम्म कायम १० करोड चुक्ता पूँजीको ८ प्रतिशतले हुन आउने ८० लाख रूपैयाँ बराबरको बोनस र कर प्रयोजनको लागि ४ लाख २१ हजार ५३ रूपैयाँ नगद लाभांश पारित गर्ने प्रस्ताव साधारण सभामा पेश गर्नेछ ।

बोनस शेयर पश्चात कायम हुने १० करोड ८० लाख रूपैयाँ चुक्ता पूँजीको ७५ प्रतिशत हकप्रद निष्काशन गर्ने र सोही अनुसार जारी पूँजी तथा चुक्ता पूँजी वृद्धि गरी आवश्यक संशोधन गर्न सञ्चालक समितिलाई स्वीकृति प्रदान गर्ने तयारी गरेकाे छ ।

साधारण सभाले संस्थापक समुहको शेयरधनीहरूको तर्फबाट सञ्चालक समितिमा प्रतिनिधित्व गर्ने गरी चार जना सञ्चालकको निर्वचान गर्नेछ ।

comments powered by Disqus

स्पर्श लघुवित्तको आईपिओ बाँडफाँड आइतबार, ९१% बढी आवेदकले नपाउने

Mar 22, 2019

स्पर्श लघुवित्त वित्तीय संस्था (SPARSHA) ले निष्काशन गरेको साधारण शेयर (आईपिओ) चैत १० गते आइतबार बाडँफाँड हुने भएको छ। बिक्री प्रबन्धक सानिमा क्यापिटलले आइतबार शेयर बाँडफाँड गर्ने जनाएको हाे।