डिप्रोक्स लघुवित्तको शेयरमूल्य समायोजन

Jan 10, 2019 Merolagani

डिप्रोक्स लघुवित्त (DDBL) काे पुस २६ गते बिहीबार नेपाल स्टक एक्सचेञ्जमा शेयरमूल्य समायोजन भएको छ। लघुवित्तले गत आर्थिक वर्षको नाफाबाट वितिरण गर्न प्रस्ताव गरेको १० प्रतिशत बोनसको बुकक्लोजसँगै बिहीबार शेयरमूल्य समायोजन भएको हो ।

नेप्सेले लघुवित्तको १० प्रतिशत बोनसलाई समायोजन गरि प्रतिकित्ता शेयरमूल्य ५८२ रुपैयाँ ७३ पैसा निर्धारण गरेको छ । बिहीबार नेरुडेको शेयर कारोबार समायोजित मूल्यलाई आधार मानेर खुलेको छ ।

कम्पनीको नेप्सेमा कारोबार भएको १८० दिनको शेयरमूल्यका आधारमा औसत आधारमूल्य ४६१ रुपैयाँ ८६ पैसा तोकिएको छ ।

 

लघुवित्तले गत आर्थिक वर्षको नाफाबाट शेयरधनीलाई चुक्ता पूँजीको १० प्रतिशत बोनस शेयर र १० प्रतिशत नगद वितरण गर्ने विशेष प्रस्ताव पारित गर्ने एजेण्डा राखेर माघ ११ गते सत्रौं वार्षिक साधारण सभा आह्वान गरेको छ । 

लघुवित्तले लाभांश वितरण र साधारण सभा प्रयोजनका लागि पुस २६ देखि बुक क्लोज गरेकाले पुस २५ गतेसम्म कायम रहने शेयरधनीले मात्र लाभांश र सभामा प्रतिनिधित्व जनाउन सक्नेछन् ।

बोनस पश्चात लघुवित्तको चुक्ता पूँजी ७७ करोड ३४ लाख १० हजार ४४१ रुपैयाँ पुग्नेछ । लघुवित्तको सत्रौं वार्षिक साधारण सभा माघ ११ गते भरतपुर गार्डेन रिसोर्ट, भरतपुर चितवनमा बिहान ११ बजे बोलाइएको छ ।

comments powered by Disqus

स्पर्श लघुवित्तको आईपिओ बाँडफाँड आइतबार, ९१% बढी आवेदकले नपाउने

Mar 22, 2019

स्पर्श लघुवित्त वित्तीय संस्था (SPARSHA) ले निष्काशन गरेको साधारण शेयर (आईपिओ) चैत १० गते आइतबार बाडँफाँड हुने भएको छ। बिक्री प्रबन्धक सानिमा क्यापिटलले आइतबार शेयर बाँडफाँड गर्ने जनाएको हाे।