स्वाभिमान माइक्रोफाइनान्सले माग्यो आईपिओ निष्काशनको अनुमति

Jan 11, 2019 Merolagani

स्वाभिमान माइक्रोफाइनान्स वित्तीय संस्थाले साधारण शेयर (आईपिओ) निष्काशनका लागि नियामक निकाय धितोपत्र बोर्डको अनुमति मागेको छ। कम्पनीले जारी पूँजी ६ करोड रुपैयाँको ३० प्रतिशत आईपिओ निष्काशनको अनुमति माग्दै पुस २४ गते बोर्डमा निवेदन दिएको हो।

माइक्रोफाइनान्सले यसअघि नै आईपिओ निष्काशनको निवेदन दिएको थियो । अहिले भने कम्पनीले पूँजी संरचनामा भएको संसोधन पश्चात बाफिया २०७३ मा भएको व्यवस्था अनुसार सर्वसाधारणमा जारी हुने संरचना परिवर्तनका लागि कम्पनीले पुन आवेदन गरेको हो । 

तिलोत्तमा, ५ रुपन्देहीमा केन्द्रीय कार्यालय रहेको स्वाभिमानले हाल लघुवित्तको कायम ६ करोड जारी पूँजीको ३० प्रतिशतले हुन आउने १ करोड ८० लाख रुपैयाँ बराबरको १ लाख ८० हजार कित्ता आइपिओ बिक्री गर्ने अनुमतिका लागि धितोपत्र बोर्डमा निवेदन दिएको हो ।

आईपिओ निष्काशनका लागि माइक्रोफाइनान्सले सिद्धार्थ क्यापिटललाई बिक्री प्रबन्धक नियुक्त गरिसकेको छ । कम्पनीको कार्तिक ५ गते सम्पन्न दोस्रो वार्षिक साधारणसभाले साधारण शेयर जारी गर्ने प्रस्ताव पारित गरेको थियो।

हाल चार करोड २० लाख रुपैयाँ चुक्ता पूँजी रहेको लघुवित्तको साधारण शेयर निष्काशन पश्चात ६ करोड पुग्नेछ ।

चालु आर्थिक वर्षको पहिलो त्रैमासमा लघुवित्त कम्पनीले ३६ लाख ९५ हजार रुपैयाँ खुद नाफा कमाएको छ ।

माइक्रोफाइनान्सले असोज मसान्तसम्म १४ करोड ८५ लाख रुपैयाँ निक्षेप संकलन तथा बैंकबाट ४१ करोड ४१ लाख रुपैयाँ सापटी लिएर ५० करोड ७४ लाख रुपैयाँ कर्जा परिचालन गरेको छ । माइक्रोफाइनान्सको खराब कर्जा अनुपात ०.०२ प्रतिशत रहेको छ ।

comments powered by Disqus

सिटिजन्स र एक्सिस बैंक भारत बीच रेमिटेन्स सम्झौता

Jan 22, 2019

सिटिजन्स बैंक इन्टरनेसनल लिमिटेड र एक्सिस बैंक लिमिटेड, भारतबीच विप्रेषण सम्बन्धी सम्झौता भएको छ। यस अनुसार एक्सिस बैंक मार्फत भारतबाट नेपालमा रहेका आफन्त वा अन्य व्यक्तिहरुले भुक्तानी पाउने गरी पठाएको विप्रेषण रकम बैंकको ८१ वटा शाखाहरुबाट सहज रुपमा भुक्तानी पाउन सकिनेछ।