एनएमबि बैंकको २३ औं वार्षिक साधारण सभाद्धारा ३०% लाभांश पारित

Jan 12, 2019 Merolagani

एनएमबि बैंक लिमिटेड (NMB) को २३ औँ वार्षिक साधारण सभाले आर्थिक वर्ष २०७४/७५ को वितरण योग्य मुनाफाबाट शेयरधनीहरुलाई चुक्ता पूँजीको १० प्रतिशत बोनश शेयर र २० प्रतिशत नगद लाभांश (कर प्रयोजनका लागि समेत) वितरण गर्ने प्रस्ताव स्वीकृत गरेको छ ।

पुस २६ गते बिहीबार आर्मी अफिसर्स क्लब, भद्रकाली, काठमाडौंमा सञ्चालक समितिका अध्यक्ष पवनकुमार गोल्याणको अध्यक्षतामा सम्पन्न भएको साधारण सभाले ८७ लाख ४३ हजार ७८४.२३ कित्ता बोनस शेयर र कर प्रयोजनका सहित एक अर्ब ७४ करोड ८७ लाख ५६ हजार ८ ४५ रुपैयाँ ८१ पैसा नगद लाभांश वितरण गर्ने प्रस्तावलाई अनुमोदन गरेको हो ।

बैंकले लाभांश वितरणका लागि पुस १० गते मंगलबारदेखि बुकक्लोज गरेकाले पुस ९ गतेसम्म कायम शेयरधनीले मात्र उक्त लाभांश पाउनेछन् । बैंकको उपरोक्त बोनस शेयर पश्चात चुक्ता पूँजी ९. अर्ब ६१ करोड ८१ लाख ६२ हजार रुपैयाँ पुगेको छ ।

यसैगरि बैंकको २३ औं साधारण सभाले नाफा नोक्सान हिसाब सहित समग्र वित्तीय विवरणमाथि छलफल गरि पारित गरेको छ । यस्तै लेखापरिक्षक नियुक्ति र पारिश्रमिक निर्धारण, र बैंकको प्रबन्धपत्र तथा नियमावलीमा आवश्यक संसोधन गर्न सञ्चालक समितिलाई पूर्ण अख्तियारी समेत प्रदान गरेको छ ।

एनएमबि बैंकले चालु आर्थिक वर्षको पहिलो त्रैमासमा ५५ करोड ५ लाख ५६ हजार रुपैयाँ खुद नाफा कमाएर वार्षिक प्रतिशेयर आम्दानी २६ रुपैयाँ ६४ पैसा कायम गरेको छ ।

हाल बैंकले ११० वटा शाखा, ४ एक्स्टेन्सन काउन्टर तथा ९७ वटा एटिएम मार्फत सेवा प्रदान गर्दै आएको छ ।

comments powered by Disqus

त्रिशूली थ्री ‘बी’ को आईपिओमा करिब १० गुणा बढीको आवेदन,सोमबार अन्तिम

Mar 25, 2019

सरकारको ‘जनताको जलविद्युत कार्यक्रम’ अन्तर्गत चैत ७ गतेदेखि साधारण शेयर (आईपिओ) निष्काशन गरेको माथिल्लो त्रिशूली थ्री ‘बी’ जलविद्युत आयोजनाको शेयरमा आवेदन दिने चैत ११ गते सोमबार अन्तिम दिन रहेको छ। आइतबारसम्म आईपिओमा करिब १० गुणा बढी आवेदन परेको छ।