नाडेप लघुवित्तको शतप्रतिशत हकप्रद भर्ने आइतबार अन्तिम दिन

Jan 13, 2019 Merolagani

नाडेप लघुवित्त (NADEP) ले हाल निष्काशन गरेको चुक्ता पूँजीको शतप्रतिशत हकप्रद शेयरमा आवेदन दिने पुस २९ गते आइतबार अन्तिम दिन रहेको छ। लघुवित्तले मंसिर २३ गतेदेखि १६ लाख कित्ता हकप्रद बिक्री खुला गरेको थियो ।

लघुवित्तले हकप्रद निष्काशन गर्न मंसिर ७ गते शेयरधनी दर्ता किताव बन्द गरेको थियो । जस अनुसार मंसिर ६ गतेसम्म कायम रहेका शेयरधनीले मात्र हकप्रद खरिद गर्न सक्नेछन् ।

लघुवित्तको बिक्री प्रबन्धक नबिल इन्भेष्टमेन्ट बैंकिङ्ग रहेको छ ।

हकप्रदका लागि नबिल इन्भेष्टमेन्ट बैंकिङ्ग नक्साल तथा नाडेप लघुवित्तको केन्द्रीय कार्यालय तथा सम्पूर्ण शाखा कार्यालयबाट आवेदन बुझाउन सकिने व्यवस्था गरिएको छ । साथै आश्वा सदस्य बैंक तथा वित्तीय संस्था र तिनका शाखा कार्यालयबाट आवेदन दिन सकिनेछ ।

हाल लघुवित्तको चक्ता पूँजी १६ करोड रुपैयाँ छ । हकप्रद निष्काशन पश्चात लघुवित्तको चुक्ता पूँजी ३२ करोड रुपैयाँ पुग्नेछ । पुस २६ गते बिहीबार लघुवित्तको प्रतिकित्ता शेयरमूल्य ७९६ रुपैयाँमा कारोबार भएको छ ।

चालु आर्थिक वर्षको पहिलो त्रैमासमा कम्पनीले एक करोड ३९ लाख नौं हजार रुपैयाँ खुद नाफा कमाएर प्रतिशेयर आम्दानी ३४ रुपैयाँ ७७ पैसा कायम गरेको छ । 

गत आर्थिक वर्षको मुनाफाबाट लघुवित्तले ३० प्रतिशत बोनस शेयर वितरण गर्ने प्रस्ताव गरेको छ । यसअनुसार कम्पनीले ४ करोड ८० लाख रुपैयाँ बोनस बाँड्नेछ । यस्तै, बोनसमा लाग्ने कर तिर्न २५ लाख २६ हजार ३१५.७९ रुपैयाँ नगद लाभांश पनि कम्पनीले प्रस्ताव गरेको छ।

हकप्रद र बोनस वितरणपछि कम्पनीको चुक्ता पूँजी ३६ करोड ८० लाख रुपैयाँ पुग्नेछ ।

comments powered by Disqus

कुमार जी अगस्त मुनी शेयर संवाद (२०७५, प्रथमोध्याय !)

Jan 21, 2019

- रामु खनाल (शेयर बजार बिश्लेषक)
कुमारजी उवाच, हे मुनिवर, हजुरका मुखार बिन्दुबाट शेयर बजारको बारेमा धेरै कुराहरूको ज्ञान प्राप्त भइ यी कानहरु पवित्र भइरहे तर पनि मन अझै तृप्त हुन सकेन। बजारको पछिल्लो अवस्थाको बारेमा केहि बताइदिनुहोस् प्रभु भन्दै दुबै हात जोडी कुमारजी अगस्त मुनी सामु बस्दा भए ।