वोमी माइक्रोफाइनान्सले हकप्रदबाट २० करोड २१ लाख चुक्ता पूँजी पुर्याउने

Jan 13, 2019 Merolagani

वोमी माइक्रोफाइनान्स वित्तीय संस्था (WOMI) ले शतप्रतिशत हकप्रद जारी गर्ने भएको छ । माइक्रोफाइनान्सको पुस २८ गते बसेको सञ्चालक समितिको ११४ औं बैठकले हाल कायम चुक्ता पूँजीको शतप्रतिशत हकप्रद निष्काशन गर्ने निर्णय गरेको हो ।

माइक्रोफाइनान्सले राष्ट्रिय स्तरमा लघुवित्त कार्यक्रम विस्तार गर्न राष्ट्र बैंकबाट स्वीकृति पाइसकेको छ । त्यसका लागि शाखा विस्तार, व्यवसयिक कारोबारमा वृद्धि गर्न र सोही अनुपातमा लगानीको लागि आवश्यक पर्ने पूँजी जुटाउन हाल कायम चुक्ता पूँजीको शतप्रतिशत अर्थात १ः१ को अनुपातमा हकप्रद निष्काशन गर्ने कम्पनी सञ्चालक समितिले निर्णय गरेको नेप्सेलाई जानकारी गराएको छ । 

माइक्रोफाइनान्सले हकप्रद जारी गर्ने प्रयोजनको लागि विशेष साधारण सभा आह्वान गरि विशेष प्रस्तावको रुपमा सो एजेण्डा लैजाने तयारी गरेको हो ।

 

१० करोड १० लाख ८८ हजार चुक्ता पूँजी रहेको माइक्रोफाइनान्सको हकप्रद जारी गरेपछि २० करोड २१ लाख ७६ हजार रुपैयाँ पुग्नेछ ।

चालु आर्थिक वर्षको पहिलो त्रैमासमा माइक्रोफाइनान्सले एक करोड ८ लाख ७० हजार रूपैयाँ खुद नाफा कमाएको छ । यस अवधिमा माइक्रोफाइनान्सको प्रतिशेयर आम्दानी ४३ रुपैयाँ एक पैसा छ ।

गत आवकाे नाफाबाट माइक्रोफाइनान्सले शेयरधनीलाइ २५ प्रतिशत नगद लाभांश वितरण गरकाे थियाे । कम्पनीकाे शेयरमूल्य प्रतिकित्ता ९६५ रूपैयाँ हाराहारीमा पुस २९ गते आइतबार काराेबार भैरहेकाे छ ।

comments powered by Disqus

सिटिजन्स र एक्सिस बैंक भारत बीच रेमिटेन्स सम्झौता

Jan 22, 2019

सिटिजन्स बैंक इन्टरनेसनल लिमिटेड र एक्सिस बैंक लिमिटेड, भारतबीच विप्रेषण सम्बन्धी सम्झौता भएको छ। यस अनुसार एक्सिस बैंक मार्फत भारतबाट नेपालमा रहेका आफन्त वा अन्य व्यक्तिहरुले भुक्तानी पाउने गरी पठाएको विप्रेषण रकम बैंकको ८१ वटा शाखाहरुबाट सहज रुपमा भुक्तानी पाउन सकिनेछ।