पुस २९ गते आइतबार सञ्चालक समितिका अध्यक्ष केशव बहादुर रायमाझीको अध्यक्षतामा अनुपम फुडल्याण्ड, बत्तीसपुतली, काठमाडौमा सम्पन्न भएको सभाले बैंक र अन्य उपयुक्त बैंक र वित्तीय संस्था एक आपसमा गाभ्न/गाभिन (मर्जर) वा स्वदेशी विदेशी रणनीतिक साझेदारीमा जानका लागि आवश्यक अख्तियारी सञ्चालक समितिलाई प्रदान गरेको छ ।
यस्तै सम्बन्धित निकायको स्वीकृतिमा बैक आफैँ वा सहायक कम्पनी मार्फत शेयर ब्रोकरेज सम्बन्धि कार्य गर्ने ब्यवस्था प्रबन्धपत्रमा थप गर्न स्वीकृत प्रदान गरेको हो ।
नवौँ वार्षिक साधारण सभाले आर्थिक वर्ष २०७४/७५ सम्मको सञ्चित मुनाफा समेतको रकमबाट शेयरधनीहरुलाई चुक्ता पूँजीको ८.५० प्रतिशत अर्थात ६८ करोड ६६ हजार ८०३ रुपैयाँ २५ पैसा बराबर नगद लाभांश वितरण गर्ने प्रस्ताव स्वीकृत गरेको छ ।
हालसम्म बैंकले ६८ अर्ब निक्षेप संकलन गरेको छ भने कर्जा लागानी तर्फ ६३ अर्ब ऋण प्रवाह गरेको छ । बैकको पूर्व मेची देखी पश्चिम महाकाली सम्म १२९ शाखा, ५० शाखा रहित बैकिग केन्द्र , ७९ एटीएम सञ्चालनमा रहेको छ ।
एनएफआरएस प्रतिवेदन अनुसार बैकले चालु आर्थिक वर्षको प्रथम त्रैमासमा ३२ करोड मुनाफा आर्जन गरेको छ ।
