बैंकको ३२ औं वार्षिक साधारणसभाले १८ प्रतिशत बोनस शेयर र २२ प्रतिशत नगद लाभांश पारित गरेको हो ।
बैंकका अनुसार जगेडा कोषको रकम ९ अर्ब ७७ करोड रुपैयाँ तथा शेयरधनी कोष २४ अर्ब ८७ करोड पुगेको छ ।
बैंकले गत वर्ष ३ अर्ब ६५ करोड रुपैयाँ खुद नाफा गरेको थियो। यस अवधिमा बैंकको निक्षेप १ खर्ब ४० अर्ब र ऋण १ खर्ब २० अर्ब रुपैयाँ पुगेको छ। बैंकको खराब कर्जा अनुपात भने १.३६ प्रतिशत छ। बैंकका ७८ शाखा र १०९ वटा एटिएम छन्।
बैंकले ग्रामिण क्षेत्रका ग्राहक सेवालाई ध्यानमा राखी प्रदेश अनुसार वित्तिय संजाल नपुगेका क्षेत्रमा शाखा विस्तार गर्ने लक्ष्यलाई निरन्तरता दिँदै समयानुकुल प्रविधिको प्रयोगमा थप जोड दिई ग्राहक सेवामा सहजता ल्याउने तथा राष्ट्रको समग्र विकासमा अग्रसर हुने भावी योजना बनाएको छ ।
यस वर्षदेखि बैंकले आफ्ना कार्ड सञ्जालमा मास्टर कार्डको सेवा सञ्चालनमा ल्याएको छ। मास्टर कार्डबाट एटिएम र पस मेसिन दुबैको सुविधा प्राप्त गर्न सकिने बैंकले जनाएको छ ।
