नेपाल स्टक एक्सचेञ्जमा पुस २९ गते आइतबार कम्पनीकाे शेयर प्रतिकित्ता ९१२ रूपैयाँमा काराेबार भएकाे छ ।
लघुवित्त कम्पनीले चुक्ता पूँजीको ५० प्रतिशत अर्थात ३ करोड २९ लाख ८९ हजार रुपैयाँ बराबरको ३ लाख २९ हजार ८९० कित्ता हकप्रद शेयर निष्काशन गर्न लागेको हो ।
लघुवित्तले चुक्ता पूँजीको ५० प्रतिशत अर्थात २ बराबर एक अनुपातमा हकप्रद बिक्री गर्न काठमाडौं क्यापिटललाई बिक्री प्रबन्धक नियुक्त गरेको छ ।
हाल ६ करोड ५९ लाख ७७ हजार ९३८ रुपैयाँ चुक्ता पूँजी रहेको छ ।
लघुवित्तले गत आर्थिक वर्षको नाफाबाट शेयरधनीलाई चुक्ता पूँजीको १०.४५ प्रतिशत (६८ लाख ९४ 
हजार ६९५ रुपैयाँ) बोनस शेयर वितरण गर्ने प्रस्ताव गरिसकेको छ।
हकप्रद र बोनसपछि मिथिलाको चुक्ता पूँजी १० करोड ५८ लाख ६१ हजार ६०२ रुपैयाँ पुग्नेछ । चालु आर्थिक वर्षको पहिलो त्रैमासमा लघुवित्तले ३५ लाख ७० हजार रुपैयाँ खुद नाफा कमाएर प्रतिशेयर आम्दानी २१ रुपैयाँ ५३ पैसा कायम गरेको छ ।
लघुवित्त कम्पनीले सो हकप्रद निष्काशनका लागि असोज २३ गते बोर्डसँग अनुमति मागेकोमा बोर्डले पुस १३ गते अनुमति दिएको थियो।
