नेप्सेले दुबै कम्पनीहरूले धितोपत्रको बजारमूल्यमा प्रभाव पार्ने सूचना सम्प्रेषण गर्दा नेप्से र सम्बन्धित कम्पनीबीच भएको सूचीकरण सम्झौता अनुसार नचलेर नियम विपरितको कार्य गरेको देखिएको भन्दै २४ घण्टा भित्र जवाफ पठाउन पत्राचार गरेको हाे ।
दुबै कम्पनीले सञ्चालक समितिको बैठक बसेर गत आर्थिक वर्षको नाफाबाट लाभांश घोषणा गरेर लामो समयसम्म सार्वजनिक जानकारीमा ल्याएका थिएनन् । साल्ट टेडिङ्ग कर्पोरेशनले पुस २९ गते वार्षिक प्रतिवेदनमा मात्र उल्लेख गरेको र तारागाउँ रिजेन्सी होटलले पुस २४ गतेको निर्णय ३० गतेमात्र नेप्सेमा जानकारी पठाएपछि नेप्से कारवाहीमा उत्रिएकाे हो ।