म्यादी जीवन बीमा व्यवसायलाई पारदर्शी, मर्यादित, व्यवस्थित तथा बढीभन्दा बढी ग्राहक सेवाउन्मुख बनाउन पुलको व्यवस्था गरिएको समितिको दाबी छ ।
समितिले माघ १५ सम्ममा सबै बीमा कम्पनीहरुले सहमति गरी पुल सञ्चालन सम्बन्धी कार्यविधि प्रस्तुत गर्न निर्देशन दिएको छ ।
तत्काल विधिवत पुल गठन नभएकोले माघ १ गते देखि बीमकहरुले जारी गरेका सबै बीमालेखहरु बीमकहरुको बजार हिस्सा अनुसार हुने र पुल गठन नभएसम्म व्यवसाय सञ्चालनलाई यथावत निरन्तरता दिन समितिले निर्देशन दिएको हो ।
चार वर्ष भित्र हिस्सा बराबर बनाइने
जीवन बीमा कम्पनीहरूले पुलमार्फत जारी गरेको म्यादी जीवन बीमामा कम्पनीको बजार हिस्सा अनुसार संलग्न हुनेछ।
समितिले पुल मार्फत म्यादी जीवन बीमा व्यवसाय गर्न १८ वटा जीवन बीमा कम्पनीहरूको बजार हिस्सा तय गरेको छ। त्यस अनुसार नेशनल लाइफ इन्स्योरेन्सको हिस्सा सबैभन्दा धेरै १९ प्रतिशत छ ।
प्राइम लाइफ इन्स्योरेन्सको १५, सूर्या लाइफ इन्स्योरेन्सको १२, युनियन लाइफ र नेपाल लाइफको ११ प्रतिशत हिस्सा छ। रिलायबल र रिलायन्स लाइफको ८, आइएमई लाइफको ५, गुराँस लाइफको २ प्रतिशत बजार हिस्सा छ। अन्य बाँकी कम्पनीको हिस्सा १/१ प्रतिशतको दरले निर्धारण गरिएको छ ।
म्यादी जीवन बीमामा चार वर्षपछि सबै बीमक कम्पनीको हिस्सा बराबर बनाइने बीमा समितिले जारी गरिएको सर्कुलरमा उल्लेख छ । हाल तय गरिएको हिस्सा चालु आर्थिक वर्षको अन्त्य सम्म लागू गर्ने, दोस्रो वर्ष देखि समितिको राेहोबरमा हिस्सा परिवर्तन गर्ने र चौथौं वर्षको सुरु देखि सबै कम्पनीको हिस्सा बराबर पुर्याउने समितिको तयारी छ ।
पुल अन्तर्गत बीमा शुल्क खर्च तथा दाबीको हिस्सा सोही अनुपातमा बाँडफाँड हुने समितिले जनाएको छ ।