लघुवित्त कम्पनीले पुस २७ गते ४ करोड ६३ लाख ३० हजार रुपैयाँ बराबरको ४ लाख ६३ हजार ३०० कित्ता शेयर जारी गर्ने अनुमति मागेको छ । यसअघि चार करोड २० लाख रुपैयाँ बराबरको ४ लाख २० हजार कित्ता आईपिओ निष्काशन गर्न अनुमति मागेको थियो ।
कम्पनीको शेयर बिक्री प्रबन्धक एनएमबि क्यापिटल लिमिटेड रहेको छ । आईपिओ जारी गरेपछि कम्पनीको चूक्ता पूँजी १४ करोड ४३ लाख ३० हजार रुपैयाँ पुग्नेछ ।
२०७२ आश्विन १२ गते नेपाल राष्ट्र बैंकबाट स्वीकृत प्राप्त गरी २०७२ कार्तिक २२ गते पर्वत जिल्लाको कुस्माबाट कारोवार सञ्चालन गरेको यस वित्तीय संस्थाको हाल अधिकृत पूँजी ३० करोड र जारी पूँजी १४ करोड रहेकोमा संस्थापकबाट ९ करोड ८० लाख चुक्ता भईसकेको छ ।
हाल वित्तीय संस्थाको पर्वत, बाग्लुङ्ग, म्याग्दी, गुल्मी, रुकुम, रोल्पा, कास्की, तनहूँ, लम्जुङ्ग र गोर्खा गरी १० जिल्ला कार्यक्षेत्र छ संस्थाले २१ वटा शाखा कार्यालय मार्फत वित्तीय सेवा प्रदान गर्दे आएको छ ।
चालु आर्थिक वर्षमा संस्थाले थप ६ जिल्लामा गरी कुल शाखा सञ्जाल ३२ पुर्याउने लक्ष्य राखेको छ ।
चालू आवको प्रथम त्रैमास सम्ममा २० लाख ७३ हजार रुपैयाँ खुद नाफा गरेको छ । कम्पनीको खराब कर्जा १.२२ प्रतिशत छ।
