समितिले माघ १ गते देखि नै पुल प्रणाली संचालनमा ल्याएको स्मरण गराउदै उनले भने, ‘नक्कली बीमालेखलाई विस्थापित गरी सक्कली बीमालेख मात्रै जारी होस भनेर हामीले यो पुल प्रणाली अपनाएका हौं ।’ सिआईबिले प्राइम लाइफ इन्स्योरेन्सको नक्कली बीमालेख भेटेपछि समितिले म्यादी बीमामा पुल प्रणाली अपनाएको हो ।
यस्तै समितिका अध्यक्ष चापागाईले बीमा क्षेत्रमा अस्वस्थ प्रतिस्पर्धा रोक्न सक्यो भने त्यस वापतको खर्च बचत गरेर आगामी दिनमा पोलिसीदर घटाउन सकिने बताए । आगामी ६ महिनामा म्यादी जीवन बीमाको क्लेम रेसियो रिभ्यु गर्ने र फजुल खर्च घटाउदै लाने उनको भनाई छ ।