किसान माइक्रोफाइनान्स (KMFL) ले संस्थापक समूहको १८३ कित्ता र सर्वसाधारण तर्फको चार हजार ९७ कित्ता लिलामी खुला गरेको हो ।
इच्छुक लगानीकर्ताले उक्त लिलामी शेयरमा माघ ६ गतेदेखि १३ गतेसम्म शिलबन्दी बोलपत्र पेश गर्न सक्नेछन् । माइक्रोफाइनान्सको शेयर बिक्री प्रबन्धक सिभिल क्यापिटल रहेको छ। लगानीकर्ताले बिक्री प्रबन्धकको कार्यालय सिभिल मल सुन्धारा, तथा किसान माइक्रोफाइनान्सको सम्पूर्ण शाखा कार्यालयहरु मार्फत आवेदन गर्न सक्नेछन् ।
यस्तै सिभिल बैंकको शाखा कार्यालयहरु विराटनगर, वीरगञ्ज, नारायणगढ, पोखरा, बुटवल र नेपालगञ्ज कार्यालयबाट बोलपत्र पेश गर्न सक्नेछन् । माघ ३ गते बिहीबार कम्पनीको प्रतिकित्ता शेयरमूल्य ९६० रुपैयाँ रहेको छ ।
आवेदन गर्दा न्यूनतम एक सय कित्तादेखि अधिकतम कित्तासमका लागि माग गर्न सक्नेछन् भने एक सय रुपैयाँदेखि बढाबढ मूल्यमा आवेदन गर्नुपर्नेछ। एक व्यक्ति तथा कम्पनीले एउटा मात्र बोलपत्र पेश गर्न सक्नेछन् ।
किसान माइक्रोफाइनान्सले गत मंसिर २ गतेदेखि पुस ८ गतेसम्म निष्काशन गरेको चुक्ता पूँजीको ५० प्रतिशत हकप्रद निष्काशन गरेको थियो । सो समयमा अवितरित शेयर अहिले कम्पनीले लिलामी मार्फत बिक्री गर्न लागेको हो ।
माइक्रोफाइनान्सले गत आवको मुनाफाबाट २९ प्रतिशत बोनस शेयर वितरण गर्ने प्रस्ताव गरेको छ । ५० प्रतिशत हकप्रदलाई समेत प्रस्तावित बोनस रकम वितरण गर्दा २९ प्रतिशत बोनस १९.३३ प्रतिशतमा घट्नेछ। लिलामी सकार्नेले पनि बोनस पाउनेछन् ।
सिटी एक्सप्रेस फाइनान्सको शेयरमा बाेलपत्र पेश गर्ने आज अन्तिम
सिटी एक्सप्रेस (CEFL) ले पुस २९ गते देखि लिलामीमा ल्याएको ७ लाख ३६ हजार ८७ कित्ता शेयरमा शिलबन्दी बोलपत्र पेश गर्ने आइतबार अन्तिम दिन रहेको छ। इच्छुक लगानीकतर्ताले अपरान्ह ३ बजेसम्म आवेदन गर्न सक्नेछन् । माघ ३ गते बिहीबार फाइनान्सको शेयर प्रतिकित्ता १३३ रूपैयाँमा कारोबार भएको छ ।
फाइनान्सले लिलामीमा ल्याएको शेयरमध्ये दुई लाख ५७ हजार ६३१ कित्ता संस्थापक र चार लाख ७८ हजार ४५६ कित्ता सर्वसाधारण समुह तर्फको रहेको छ । फाइनान्सले गत भदौ १ गते देखि निष्काशन गरेको चुक्ता पूँजीको १६७ प्रतिशत हकप्रदमा अवितरित भएको शेयर लिलामीमा ल्याएको हो ।
फाइनान्सको लिलामी शेयरका लागि काठमाडौं क्यापिटल मार्केट बिक्री प्रबन्धक रहेको छ । लिलामी शेयरमा आवेृदन गर्न इच्छुकले बिक्री प्रबन्धकको कार्यालय कमलादी, बैंक अफ काठमाण्डूका शाखा कार्यालयहरु मेनरोड विराटनगर, स्टेशनरोड जनकपुर, आदर्शनगर वीरगञ्ज, मेनरोड हेटौंडा, लायन्स चोक चितवन, बुटवल, नेपालगञ्ज, पोखरा, सुर्खेत, धनगढी, र फाइनान्सको केन्द्रीय कार्यालय दरबारमार्ग काठमाडौंबाट शिलबन्दी बोलपत्र पेश गर्न सक्नेछन् ।
बोलपत्र आवेदन एक सय रुपैयाँ तिरेर माथि उल्लेखित स्थानहरुबाट प्राप्त गर्न र बुझाउन सकिनेछ । बोलपत्र पेश गर्दा संस्थापक न्युनतम एक हजार कित्ता र सर्वसाधारणमा १०० कित्तादेखि अधिकतम सबै कित्ताको लागि आवेदन गर्न सकिनेछ। लगानीकर्ताले प्रतिकित्ता न्युनतम १०० रुपैयाँ कबुल गरि बढाबढ मूल्यमा बोलपत्र पेश गर्न सक्नेछन् ।
आवेदन रकम बैंकले उपलब्ध गराएको बैंक खाता नम्बरमा जम्मा गरि सक्कल भौचर समेत पेश गर्नुपर्नेछ। त्यस्तै दश लाख रुपैयाँभन्दा बढीको आवेदन दिनेले प्यान नम्बर आवेदन फारममा उल्लेख गर्नुपर्छ ।
सिटी एक्सप्रेस फाइनान्सले गत भदौ १ गतेदेखि १६७ प्रतिशत अर्थात २५ लाख कित्ता हकप्रद शेयर निष्काशन गरेको थियो ।
चुक्ता पूँजी ३१ करोड ७५ लाख रुपैयाँ रहेको फाइनान्सले चालु वर्षको पहिलो त्रैमासमा एक करोड ९ लाख रुपैयाँ नोक्सानी व्योहोरेको छ। यस अवधिमा फाइनान्सको प्रतिशेयर आम्दानी १३ रुपैयाँ ८३ पैसा ऋणात्मक छ।