लिलामीमा ल्याएको शेयरमध्ये ५ लाख ५७ हजार ७७४.५७ कित्ता संस्थापक र २ लाख ५ हजार ८४.४७ कित्ता सर्वसाधारण तर्फको रहेकाे छ।
इच्छुक लगानीकर्ताले आज कार्यालय समयभित्र बोलपत्र पेश गर्न सक्नेछन् । प्रभु क्यापिटल, कमलादी काठमाडौं, बेष्ट फाइनान्सका केन्द्रिय कार्यालय सहित बुटवल, नेपालगञ्ज, कपिलवस्तु, नवलपरासी, दाङ र पोखराका शाखा कार्यालयहरुवाट आवेदन फाराम लिई बुझाउन सकिन्छ ।
त्यस्तै प्रभु बैंकको आदर्शनगर विरगञ्ज, जलजलाचोक विराटनगर, विरेन्द्रनगर सुर्खेत र गोदावरी रोड धनगढी शाखाबाट पनि आवेदन बुझाउन सकिने बिक्री प्रबन्धक प्रभु क्यापिटलले जनाएको छ ।
साबिकको सिनर्जी फाइनान्सले गत असार २५ गते देखि चुक्ता पूँजीको २५ प्रतिशत हकप्रद शेयर निष्काशन गरेको थियो । कूल ११ लाख ८६ हजार २२.४७ कित्ता हकप्रद निष्काशन गरेकोमा ३ लाख ८० हजार ९३८ कित्ताका मात्र बिक्री भएपछि बाँकी शेयर लिलामीमा ल्याएको हो ।
बेष्ट (BFC) को शेयर कारोबार १०२ रूपैयाँमा कारोबार भएको छ । ८१ करोड रुपैयाँ चुक्ता पूँजी रहेको फाइनान्सको चालु आर्थिक वर्षको पहिलो त्रैमाससम्ममा प्रतिशेयर आम्दानी ५० पैसा छ ।