प्राइम बैंकसँग विलिन हुने अन्तिम चरणमा रहेको यस बैंकले राष्ट्र बैंकबाट सैद्धान्तिक स्वीकृती पाइसकेको छ । दोस्रो त्रैमासिक अवधिमा बैंकले २३ अर्ब ६८ करोड ८४ लाख रुपैयाँ निक्षेप संकलन गरि २१ अर्ब ३४ करोड ६७ लाख रुपैयाँ कर्जा विस्तार गरेको छ । समीक्षा अवधिमा कम्पनीले २४.६७ प्रतिशतले निक्षेप र ३५.३१ प्रतिशतले कर्जा लगानी विस्तार गरेको हो।
चालू आवको ६ महिनामा बैंकले खुद ब्याज आम्दानी ५२ करोड ३ लाख रुपैयाँ रहेको छ । गत वर्ष यसै अवधिमा ३२ करोड २८ लाख खुद ब्याज आम्दानी गरेको थियो ।
यस अवधिमा बैंकले खराब कर्जा अनुपात वापतको नोक्सानी व्यवस्था ६ करोड १८ लाख पुगेको छ । कर्मचारी र अन्य सञ्चालन खर्च पश्चात बैंकको सञ्चालन नाफा ३७ करोड ३२ लाख रुपैयाँ छ ।
नोट:रकमलाई हजारमा देखाइएको छ ।
अघिल्लो वर्षमा बोनस बाँडेर १७.६९ प्रतिशतले चुक्ता पूँजी बढाएको ओमको पूँजीसँगै प्रतिशेयर आम्दानी पनि सुधार भएको छ। बैंकको इपिएस १४ रुपैयाँ ७ पैसाबाट वृद्धि भई १९ रुपैयाँ ११ पैसा कायम भएको छ ।
दुई अर्ब ५१ करोड ५२ लाख रुपैयाँ चुक्ता पूँजी रहेको बैंकको जगेडा कोषमा एक अर्ब ४ करोड रुपैयाँ संचित छ । यस अवधिमाा बैंकको जगेडा कोष १२ करोड ७३ लाखले जगेडा बढेको हो।
यस अवधिमा खराब कर्जा अनुपात १.१७ बाट घटाएर ०.६० प्रतिशतमा झारेको छ । बैंकको प्रतिशेयर नेटवर्थ १४१ रुपैयाँ ४६ पैसा र मूल्य आम्दानी अनुपात १०.३१ गुणा बढी छ ।