समीक्षा अवधिसम्ममा लघुवित्तले २ करोड ४५ लाखबाट चुक्ता पूँजी शतप्रतिशत बढाएर ४ करोड ९० लाख पुर्याएको छ भने जगेडा कोषमा ५७ लाख २७ हजार रुपैयाँ सञ्चित छ । गत वर्षको यसै अवधिमा लघुवित्तको जगेडा कोष १५ लाख १९ हजार रुपैयाँले ऋणात्मक रहेको थियो ।
त्यसैगरी निक्षेप संकलन ९३ लाख ९९ हजारबाट बढाएर १२ करोड ४६ लाख ५६ हजार पुर्याएको छ भने ६५ करोड ३४ लाख रुपैयाँ बराबरको कर्जा परिचालन गरेको छ । यसका लागि लघुवित्तले ५१ करोड ६३ लाख सापटी लिएको छ ।
यस अवधिमा लघुवित्तले खुद ब्याज आम्दानी ४ लाख ७७ हजारबाट बढाएर एक करोड ७७ लाख पुर्याएको छ ।
यसअवधिमा साधना लघुवित्त कम्पनीकाे वार्षिक प्रतिशेयर आम्दानी २३ रूपैयाँ २०९ पैसा र खराब कर्जा अनुपात शून्य प्रतिशत रहेकाे छ ।
साधना लघुवित्त वित्तीय संस्थाको दोस्रो वार्षिक साधारण सभाले चार करोड ९० लाख रुपैयाँ चुक्ता पूँजीको १०५ प्रतिशत (१ः१.०५) हकप्रद शेयर जारी गर्ने विशेष प्रस्ताव पारित गरेको छ । हकप्रद शेयर जारीपछि १० करोड चार लाख पचास हजार रुपैयाँ चुक्ता पूँजी पुग्नेछ ।
गोरखा जिल्लाको गोरखा नगरपालिका वडा नं ६ हरमटारीमा केन्द्रिय कार्यालय रहेको लघुवित्तले २६ शाखा कार्यालय मार्फत १८ हजार ५०० भन्दा बढी सदस्यहरुलाई समुहमा आबद्द गराई १० हजार बढी सदस्यालाइ लघुवित्तीय सेवा प्रदान गर्दै आइरहेकाे छ ।
