लगानीकर्ताका विभिन्न संगठनका नेताहरुसंग शुक्रबार भएको गहन छलफलमा घट्दो बजारमा प्यानले असर गर्ने भन्दै लगानीकर्ताहरुले बजार सुधारका अन्य काम पहिले सम्पन्न गर्न नेप्सेको ध्यानाकर्षण गराएका थिए ।
वर्तमान नेपालको पूँजी बजार अत्यन्तै नाजुक परिस्थितिमा रहेको भन्दै लगानीकर्ताका नेताहरुले प्यान लिनु अनिवार्य नभई उत्साहित हुने वातावराण निमार्ण गर्न नेप्सेसंग आग्रह गरेका थिए ।
प्यानको औचित्यबारे सुझाब दिन अध्ययन समिति गठन गरियोस् भन्दै लगानीकर्ताहरुले आफूहरु प्यान लागू गर्ने विषयको विरोधमा नरहेको बताएका थिए ।
करिब चार घण्टा चलेको छलफलमा लगानीकर्ताहरुको तर्फबाट आएको सुझाब आफ्नो नियमक निकाय धितोपत्र बोर्डमा पठाउन नेप्से राजी भएको थियो ।
यस अघि नेपाल धितोपत्र बोर्डले नेप्सेलाई पत्र लेख्दै २०७६ वैशाख १ गते देखि शेयर खरिदकर्तालाई अनिवार्य प्यानमा जाने वातावरण बनाउन निर्देशन दिएको थियो ।
