लगानीकर्ताहरुले प्यानलाई ऐच्छिक बनाउँदै तत्काल नेपाल सरकारद्धारा गठित अध्ययन समितिले दिएका ८५ बुंदे सुझाव कार्यन्वयन गर्न नियमक निकायको ध्यानाकर्षण गराएका छन् ।
छलफल पछि संयुक्त विज्ञप्ती जारी गर्दै नेपाल इन्भेष्र्टस फोरम, शेयर लगानीकर्ता संघ, नेपाल पूँजी बजार लगानीकर्ता संघ, नेपाल पूँजी बजार संघ र शेयर लगानीकर्ता दवाव समुहले प्यानको विपक्षमा आफुहरु कहिले पनि नभएको तर प्यानलाई जनचेतनामुलक कार्यक्रम सहित स्वेच्छिक बनाउनु पर्ने पक्षमा रहेको उल्लेख गरेका छन् ।
यसै बीच नेप्सेले पनि एक विज्ञप्ती जारी गर्दै प्यानका विषयमा लगानीकर्ताहरुवाट आएका सुझाव धितोपत्र बोर्डमा प्रस्तुत गरिने जानकारी दिएको छ ।
नेप्से र लगानीकर्ता संगठनहरु दुवै पक्षले प्यानका विषयमा भैरहेको नकारात्मक टिप्पणीहरुवाट भ्रममा नपरी पुर्ववत् रुपमा कारोबार गर्न लगानीकर्तालाई आग्रह गरेको छ ।
