इन्स्योरेन्सको शेयर बिक्री प्रबन्धक सिद्धार्थ क्यापिटले मंसिर १६ गतेदेखि पुस २२ गतेसम्म कूल १४ लाख ३ हजार ३२५ कित्ता संस्थापक समूहको हकप्रद बिक्री खुला गरेको थियो । सो शेयरमा १२ लाख ५ हजार ६०८ कित्ताका लागि मात्र आवेदन परेकोले सो शेयर माघ ९ गते बाँडफाँड गरिएको जनाएको छ ।
बीमा समितिको निर्देशन अनुरुप संस्थापक शेयर हिस्सा ५१ प्रतिशतकायम गर्न पहिलो चरणमा कम्पनीले १०५ प्रतिशत संस्थापक हकप्रद बिक्री गरेको थियो । यो लिलामी पश्चात कम्पनीले ३०० प्रतिशत हकप्रद बिक्री गरि एक अर्ब रुपैयाँ पूँजी कायम गर्ने जनाएको छ ।
संस्थापक शेयरको लिलामी बिक्री पश्चात एभरेष्टको चुक्ता पूँजी २७ करोड ३९ लाख ८२ हजार ५०० रुपैयाँ पुग्नेछ ।
सो पश्चात बिक्री हुने ३०० प्रतिशत हकप्रद पूँजीकरण पश्चात एक अर्ब ९ करोड ५९ लाख ३० हजार रुपैयाँ चुक्ता पूँजी कायम हुने कम्पनीले जनाएको छ ।
