माइक्रोफाइनान्सको खुद नाफा गत वर्षको तुलनामा २ करोड ७३ लाख रुपैयाँले बढी हो ।
समीक्षा अवधिमा कम्पनीले ९६ करोड ४२ हजार निक्षेप संकलन तथा दुई अर्ब ६३ करोड ७३ लाख रुपैयाँ बैंकहरुबाट सापटी लिएर तीन अर्ब ९९ करोड ४७ लाख रुपैयाँ कर्जा परिचालन गरेको छ ।
माइक्रोफाइनान्सले आफ्नो खुद ब्याज आम्दानी ४६.५७ प्रतिशतले सुधार गर्दै १५ करोड ७ लाख रुपैयाँ आर्जन गरेको छ । कम्पनीले गत वर्ष यसै अवधिमा १० करोड २८ लाख रुपैयाँ खुद व्याज आम्दानी गरेको थियो ।
कम्पनीको सञ्चालन नाफा ९ करोड ७२ लाख रुपैयाँ छ । यस अवधिमा कम्पनीको खराब कर्जा अनुपात भने १.२८ बाट बढेर १.८७ प्रतिशतमा पुगेको छ ।
३२ करोड ८९ लाख चुक्ता पूँजी रहेको कम्पनीको जगेडा कोषमा १३ करोड ८६ लाख रुपैयाँ संचित छ । समीक्षा अवधिमा १५ प्रतिशतले पूँजी बढाएको माइक्रोफाइनान्सको प्रतिशेयर आम्दानी २४ रुपैयाँ १६ पैसाबाट बढेर ३७ रुपैयाँ ६२ पैसा पुगेको छ । कम्पनीको प्रतिशेयर नेटवर्थ १४२ रुपैयाँ १५ पैसा र मूल्य आम्दानी अनुपात ३९.४६ गुणा बढी छ ।
राष्ट्रिय स्तरको यस माइक्रोफाइनान्सले व्यवसाय विस्तारका लागि पूँजी वृद्धि गर्न शतप्रतिशत हकप्रद जारी गर्न धितोपत्र बोर्डसँग अनुमति मागेको छ । कम्पनीको हाल कायम चुक्ता पूँँजी ३२ करोड ८९ लाख रुपैयाँ बराबरको हकप्रद निष्काशन अनुमति माग गरेको हो । हकप्रदपछि कम्पनीको चुक्ता पूँजी ६५ करोड ७८ लाख रुपैयाँ पुग्नेछ ।
ग्लोबल आइएमई बैंक सहित आठ वाणिज्य बैंक र दुई विकास बैंकको अग्रसरतामा २०७० असार ३० मा यो कम्पनी स्थापना भएको थियो । कम्पनीमा ६९.४ प्रतिशत संस्थापक र ३०.६ प्रतिशत साधारण शेयर स्वामित्व रहेको छ ।
कम्पनीले हाल ४८ जिल्लामा ८६ शाखा कार्यालय मार्फत लघुवित्तीय सेवा प्रदान गर्दै आइरहेको छ ।