चुक्ता पूँजी स्थिर रहेको बैंकले समीक्षा अवधिमा पाँच रुपैयाँले प्रतिशेयर आम्दानी सुधार गरेको छ भने खराब कर्जा अनुपात घटाएर बैंकका अन्य आम्दानीका सूचकहरु समेत बढाएको छ ।
सनराइजले नेपाल फाइनान्सियल रिपोर्टिङ स्ट्याण्डर्ड (एनएफआरएस) रिर्पोट अनुसार पुस मसान्तसम्ममा ७९ करोड २७ लाख रुपैयाँ खुद मुनाफा आर्जन गरेको छ । बैंकले गत वर्ष यसै अवधिमा ५८ करोड ७५ लाख खुद नाफा गरेकोमा २० करोड ५२ लाखले मुनाफा बढाएको हो ।
रेगुलेटरी एड्जस्टमेन्टले फ्रि प्रोफिटमा संकुचन
एनएफआरएस प्रतिवेदन अनुसार सनराइज बैंकले ७२ करोड ६१ लाख रुपैयाँ वितरण योग्य नाफा (फ्रि प्रोफिट) आर्जन गरेको उल्लेख छ । गत वर्ष यस्तो रकम ५८ करोड ७५ लाख रहेको थियो ।
चालू आवको दोस्रो त्रैमासमा राष्ट्र बैंकको रेगुलेटरी एडजस्टमेन्टमा ६ करोड ६५ लाख व्यवस्था गर्दा बैंकको फ्रि प्रोफिट खुद नाफाभन्दा घटेको हो । तर गत वर्षको पुसमसान्तसको तुलनामा भने चालू आवको यसै अवधिमा तुलनामभा भने २३.५९ प्रतिशतले फ्रि प्रोफिट बढेको छ ।
एनएफआरएस रिर्पोट अनुसार रेगुलेटरी एड्जस्टमेन्ट पश्चात कायम हुने फ्रि प्रोफिट केन्द्रीय बैंकले तोकेको प्रावधान अनुसार तोकिएको शिर्षकहरुमा व्यवस्था गरेपश्चात बैंकले शेयरधनीलाई लाभांश वितरणमा उपयोग गर्न सक्दछ ।
चुक्ता पूँजी स्थिर रहँदा प्रतिशेयर आम्दानीमा सुधार, जगेडा दोब्बर
बैंकको चुक्ता पूँजी ८ अर्ब १५ करोड २५ लाख रुपैयाँमा स्थिर रहेपश्चात बैंकको वार्षिक प्रतिशेयर आम्दानी १४ रुपैयाँ ४१ पैसाबाट पाँच रुपैयाँ बढेर १९ रुपैयाँ ४५ पैसा पुगेको छ ।
बैंकको प्रतिशेयर नेटवर्थ १५० रुपैयाँ ३७ पैसा र मूल्य आम्दानी अनुपात १०.८० गुणा बढी रहेको छ ।
समीक्षा अवधिमा बैंकले ९५.४८ प्रतिशतले जगेडा कोष बढाउँदा ४ अर्ब १० करोड ६१ लाख सञ्चित हुन पुगेको छ । गत वर्षको दोस्रो त्रैमासमा बैंकको जगेडा कोषमा २ अर्ब १० करोड ५ लाख रुपैयाँ मात्र सञ्चित रहेको थियो ।
नोट:रकमलाई हजारमा देखाइएको छ ।
निक्षेप संकलन र कर्जा विस्तार सन्तुलित
गत आवको दोस्रो त्रैमासको तुलनामा बैंकले निक्षेप संकलन २०.२२ र कर्जा विस्तारलाई २०.४७ प्रतिशतले बढाउँदै आफ्नो खुद नाफा बढाएसँगै बैंकको अधिकांश सूचक सकारात्मक देखिएका हुन् ।
यस अवधिमा बैंकको निक्षेप ६३ अर्ब ६२ करोड ९२ लाखबाट ७६ अर्ब ६ करोड २६ लाखमा बढोत्तरी गरेको छ । त्यसैगरि कर्जा परिचालनतर्फ ५६ अर्ब २४ करोड १७ लाख रहेकोमा बढोत्तरी गरेर ६७ अर्ब ७५ करोड ३७ लाख रुपैयाँ लगानी गरेको छ ।
निष्कृय कर्जा अनुपात घट्यो
व्यवसायको आकारमा बढोत्तरी गर्दा समेत खराब कर्जा नियन्त्रण गर्दै जाने बैंकहरुको सूचीमा सनराइज पनि परेको छ ।
बैंकले गत आर्थिक वर्षको पुस मसान्तसम्म बैंकमा रहेको १.६५ प्रतिशतको खराब कर्जा अनुपातलाई चालू आवको यसै अवधिमा १.२६ प्रतिशतमा झरेको छ ।
खुद ब्याज आम्दानी ८२ करोड
निक्षेप संकलन र कर्जा प्रवाह दुबै बढाएर प्रगति गर्न तम्सिएको यस बैंकले चालू आवको ६ महिना अवधिमा एक अर्ब ७२ करोड १६ लाख रुपैयाँ खुद ब्याज आम्दानी आर्जन गरेको छ । यस अवधिमा बैंकले ४ अर्ब ४९ करोड ५५ लाख ब्याज आम्दानी गरेर २ अर्ब ७७ करोड ४१ लाख रुपैयाँ ब्याज खर्च गरेको हो ।
गत आर्थिक वर्षको दोस्रो त्रैमास अवधिमा बैंकको खुद ब्याज आम्दानी एक अर्ब २७ करोड ४४ लाख रहेको थियो । समीक्षा अवधिमा बैंकको खुद ब्याज आम्दानी ४४ करोड ६९ लाख रुपैयाँले बढाएको हो ।
निक्षेप लागत ७.५५ र आधार ब्याजदर १०.६३ प्रतिशत
वित्तीय बजारमा तरलताको चरम संकटको अवस्था सिर्जना हुँदा त्यसको असर बैंकको वित्तीय विवरणमा पनि देखिएको छ ।
यस अवधिमा बैंकको आधार ब्याजदरमा केही राहत मिलेको छ भने निक्षेप संकलन लागतमा वृद्धि भएको छ ।
गत आवको प्रथम त्रैमासमा बैंकको निक्षेप लागत ७.३२ प्रतिशतबाट ७.५५ मा बढेको छ भने आधार ब्याजदर १०.९७ बाट १०.५५मा घट्न पुगेको छ । यसले बैंकबाट कर्जा लिने ऋणीलाई थोरै भएपनि राहत मिल्ने आंकलन गर्न सकिन्छ ।
प्रतिवेदन अनुसार सनराइज बैंकको कर्जा निक्षेप अनुपात भने सहज अवस्थामा रहेको छ । गत वर्ष यसै अवधिमा ७८.६४ प्रतिशत रहेकोमा चालू आवको दोस्रो त्रैमासिक अवधिमा ७६.०२ प्रतिशतमा झरेको छ ।
राष्ट्र बैंकको व्यवस्था अनुसार हरेक वाणिज्य बैंकले एक सय रुपैयाँ निक्षेप संकलन गर्दा ८० रुपैयाँ मात्र कर्जा परिचालन गर्न पाउँछन् ।