गत वर्षको यसै अवधिमा ३ करोड ७४ लाख खुद ब्याज आम्दानी गरेको थियो । चुक्ता पूँजी ५७ करोड ६४ लाख रहेको बैंकको जगेडा कोषमा ९ करोड ६७ लाख रुपैयाँ सञ्चित छ ।
समीक्षा अवधिसम्ममा बैंकको निक्षेप संकलन ५२ प्रतिशतले वृद्धि भई ४ अर्ब ७९ करोड ८५ लाख पुगेको छ र कर्जा लगानी ४२.४२ प्रतिशतले वृद्धि भई ४ अर्ब १२ करोड ८८ लाख पुगेको छ । समीक्षा अवधिमा बैंकले ५२ प्रतिशतले निक्षेप संकलन बढाउँदा कर्जा लगाी ४२ प्रतिशत धेरैले विस्तार गरेको छ ।
यस अवधिमा बैंकले खुद ब्याज आम्दानी २०.७५ प्रतिशतले बढाएर ८ करोड २७ लाखबाट ९ करोड ९९ लाख आर्जन गरेको छ ।
बैंकको निष्क्रिय कर्जा अनुपात ०.२७ बाट बढेर ०.३२ प्रतिशत पुगेको छ ।
चुक्ता पूँजी ११ प्रतिशतले बढ्दा पनि नाफा बढेसँगै बैंकको प्रतिशेयर आम्दानी १४ रुपैयाँ १३ पैसा छ भने प्रतिशेयर नेटवर्थ १२९ रुपैयाँ ६४ पैसा र मूल्य आम्दानी अनुपात १९.७६ गुणा बढी छ ।
