गत वर्ष पुस मसान्तमा माईक्रोफाइनान्सले एक करोड १६ लाख रुपैयाँ खुद नाफा कमाएको थियो ।
समीक्षा अवधिमा ३ करोड ८५ लाखको चुक्ता पूँजी शतप्रतिशत वृद्धि गरेको लघुवित्तको प्रतिशेयर आम्दानी पाँच रुपैयाँ ६० पैसा घटेको छ । गत पुसमा ६० रुपैयाँ २७ पैसा रहेको कम्पनीको इपिएस ५४ रुपैयाँ ६७ पैसामा खुम्चिएको हो। उच्च पूँजी वृद्धिको असर माइक्रोफाइनान्सको इपिएसमा देखिएको छ।
यस अवधिमा उन्नतिको चुक्ता पूँजी ७ करोड ७२ लाख रुपैयाँ र जगेडा कोषमा दुई करोड ९१ लाख रुपैयाँ सञ्चित छ ।
पुस मसान्तसम्ममा माइक्रोफाईनान्सले ४४ करोड ५१ लाख रुपैयाँ निक्षेप संकलन गरेको छ । माइक्रोफाइनान्सले एक अर्ब ९ करोड ६२ लाख रुपैयाँ सापटी लिएर एक अर्ब २४ करोड ४१ लाख रुपैयाँ कर्जा लगानी गरेको छ ।
समीक्षा अवधिमा माइक्रोफाइनान्सले ५ करोड १० लाख रुपैयाँ खुद ब्याज आम्दानी गरेको छ । यो गत वर्षको तुलनामा दुई करोड ११ लाख रुपैयाँले धेरै हो ।
यस अवधिमा माइक्रोफाईनान्सको सञ्चालन मुनाफा तीन करोड २९ लाख रुपैयाँ छ । गत वर्ष पुसमा माइक्रोफाईनान्सको सञ्चालन नाफा एक करोड ७९ लाख रुपैयाँ थियो ।
माइक्रोफाइनान्समा निष्कृय कर्जा अनुपात ०.७८ प्रतिशत छ भने प्रतिशेयर नेटवर्थ १३६ रुपैयाँ ७३ पैसा तथा मूल्य आम्दानी अनुपात ३३.४७ गुणा बढी छ ।
