वि.सं. २०७४ साल माघ १५ गतेबाट वित्तीय कारोबार सञ्चालन गरेको नागरिक लघुवित्त व्यसायिक कारोबारले खर्च धान्न नसकेका कारण नोक्सानीमा गएको हो । ९० लाख निक्षेप संकलन र ५ करोड ८५ लाख बैंक तथा वित्ती संस्थाबाट सापटी लिएर कम्पनीले ८ करोड ८७ लाख रुपैयाँ कर्जा परिचालन गरेको छ ।
यस अवधिमा लघुवित्तले १२ लाख २६ हजार खुद ब्याज आम्दानी गरेको छ । ४३ लाख कर्मचारी र २६ लाख अन्य सञ्चालन खर्च सहित ५१ लाख ७६ हजार सञ्चालन नोक्साीमा पुगेको कम्पनी २ लाख १२ हजार खराब कर्जा उठाउँदा ४९ लाख नोक्सानीमा झरेको हो ।
एक करोड ७५ लाख रुपैयाँ चुक्ता पूँजी रहेको लघुवित्तमा ७० प्रतिशत संस्थापक शेयर स्वामित्व रहेको छ भने ३० प्रतिशत सेयर सर्वसाधारणमा जारी गर्नेछ । चालू आवको पस मसान्तसम्ममा कम्पनी ३१ लाख ५६ हजार रुपैयाँ जगेडा नोक्सानीमा छ ।
नेपाल राष्ट्र बैंकबाट “घ” वर्गको लघुवित्त वित्तीय संस्थाको रुपमा इजाजत लिएको यस कम्पनी वि।सं २०७४ असार २५ गते पब्लिक कम्पनीमा दर्ता भएको थियो ।
लघुवित्तको कार्यक्षेत्र काभ्रेपलाञ्चोक सहित सिन्धुपाल्चोक, दोलखा, रामेछाप, सिन्धुली, नुवाकोट, गोर्खा, धादिङ, लमजुङ र तनहुँ गरि १० जिल्लामा रहेको छ ।
