गत पुसको तुलनामा ५० प्रतिशतले चुक्ता पूँजी बढाएको माइक्रोफाइनान्सको खुद नाफा समान्य ६.६६ प्रतिशतले मात्र बढेको छ । पूँजी वृद्धिको अनुपातमा खुद नाफा वृद्धिको अनुपात थोरै हुँदा लघुवित्तको इपिएसमा उच्च गिरावट देखिएको हो ।
माइक्रोफाइनान्सको पुस २९ गते सम्पन्न छैटाैं वार्षिक साधारण सभाले चुक्ता पूँजीको २५ प्रतिशत बोनस शेयर वितरण गर्ने प्रस्ताव पारित गरिसकेको छ।साे पूँजीकरण गर्न बाँकी नै छ । कम्पनीले पूँजीवृद्धि सँगैसँगै आम्दानीको अनुपात बढाउन नसक्ने हो भने इपिएसमा थप दबाब पर्ने देखिन्छ ।
माइक्रोफाइनान्सले चालु आर्थिक वर्षको दोस्रो त्रैमासमा १५ करोड ५१ लाख रुपैयाँ खुद नाफा आर्जन गरेको वित्तिय विवरण सार्वजनिक गरेको छ। गत वर्षको यसै अवधिमा माइक्रोफाइनान्सको खुद नाफा १४ करोड ५४ लाख रहेको थियो ।
पुस मसान्तसम्म माइक्रोफाइनान्सको चुक्ता पूँजी २० करोडबाट ३० करोड पुगेको छ भने जगेडा कोषमा २५.५३ प्रतिशतले सुधार गर्दै ८८ करोड २३ लाख रुपैयाँ सञ्चित भएको छ ।
माइक्रोफाइनान्सले ३ अर्ब ६१ करोड ६७ लाख निक्षेप संकलन र ४ अर्ब ३१ करोड ९ लाख सापटीबाट ८ अर्ब ६७ करोड ६९ लाख रुपैयाँ बराबरको कर्जा परिचालन गरेको छ ।
यस अवधिमा माइक्रोफाइनान्सले ७२ करोड २६ लाख ब्याज आम्दानी र ३४ करोड ४१ लाख ब्याज खर्च गरी ३७ करोड ८४ लाख रुपैयाँ खुद ब्याज आम्दानी गरेको छ । कम्पनीले कमाएकाे खुद ब्याज आम्दानी गत वर्षको यसै अवधिकाे तुलनामा २१.८५ प्रतिशतले बढी हो । गत वर्षको यसै अवधिमा माइक्रोफाइनान्सले ३१ करोड ५ लाख खुद ब्याज आम्दानी गरेको थियो ।
माइक्रोफाइनान्सले खराब कर्जा अनुपात ०.६७ बाट ०.६६ प्रतिशतमा झारेको छ भने प्रतिशेयर नेटवर्थ ३९३ रुपैयाँ ९६ पैसा रहेको छ ।
