कम्पनीको पूँजीकोष भन्दा जगेडा कोष झण्डै दोब्बर रहेको छ ।
समीक्षा अवधिमा २५ प्रतिशत बोनस शेयर वितरण गरेर ७८ करोड ६० लाख रुपैयाँ चुक्ता पूँजी पुर्याएको लघुवित्तको वार्षिक प्रतिशेयर आम्दानी ६० रुपैयाँ ८४ पैसामा बढेको छ । गत पुस मसान्तमा कम्पनीको इपिएस ५४ रुपैयाँ ५६ पैसा रहेको थियो ।
चालु आर्थिक वर्षको ६ महिना अवधिमा लघुवित्तले २३ करोड ९१ लाख रुपैयाँ खुद नाफा कमाएको छ । गत वर्षको यसै अवधिको तुलनामा लघुवित्तको खुद नाफा ३९.३८ प्रतिशतले वृद्धि भएको हो ।
गत वर्षको दोस्रो त्रैमासमा लघुवित्तले १७ करोड १५ लाख रुपैयाँ खुद नाफा कमाएका थियो ।
समीक्षा अवधिमा लघुवित्तले १५ अर्ब ६६ करोड दुई लाख रुपैयाँ ऋण सापटी लिएर १७ अर्ब ३७ करोड ६९ लाख रुपैयाँ कर्जा विस्तार गरेको छ ।
यसबाट कम्पनीस्को खुद ब्याज आम्दानी ३१ प्रतिशत बढेर ४२ करोड २१ लाख पुगेको छ । खराब कर्जा अनुपातलाई घटाउँदा कम्पनीको सम्भावित जोखिम व्यवस्थाको रकम ह्वात्तै घटेको छ ।
लघुवित्तले कम्पनीहरुलाई थोक कर्जा प्रवाह गर्ने भएकाले कम्पनीमा खराब कर्जा अनुपात अत्यन्त न्यून ०.०४ प्रतिशत मात्र छ ।
लघुवित्त कम्पनीको प्रतिशेयर नेटवर्थ २८० रुपैयाँ ९४ पैसा र मूल्य आम्दानी अनुपात १७.५९ गुुणा बढी छ ।
