गतवर्षको यसै अवधिमा बैंकले दुई करोड १४ लाख रुपैयाँ खुद नाफा कमाएको थियो । बैंकले खर्च र आम्दानीका सूचकहरुलाई सन्तुलनमा राख्दा र जेखिम व्यवस्थापन मार्फत फिर्ता आएको रकमको कारण बैंकको नाफा वृद्धि भएको हो । यस अबधिमा बैंकमा दुई करोड ६६ लाख रुपैयाँ जोखिम व्यवस्थापन मार्फत र्फिता आएको देखिन्छ ।
चुक्ता पूँजी ५३ करोड १३ लाख रुपैयाँ रहेको बैंकको जगेडा कोषमा ९ करोड ९७ लाख रुपैयाँ सञ्चित छ । पुस मसान्तसम्मा बैंकले ४ अर्ब ६४ करोड रुपैयाँ निक्षेप संकलन गरेको छ भने ४ अर्ब १२ करोड कर्जा लगानी गरेको छ ।
समीक्षा अवधिमा बैंकले ११ करोड १० लाख रुपैयाँ खुद ब्याज आम्दानी गरेको छ । यो गतवर्षको यसै अवधिको तुलनामा बैंकको खुद ब्याज आम्दानी दुई करोड ९७ लाख रुपैयाँ अर्थात ३६.४ प्रतिशतले धेरै बढेको हो ।
यहाँ बैंकले जोखिम व्यवस्थापनको लागि ठुलै रकम व्यवस्थापन गरेको छ । गतवर्ष दुई करोड ८ लाख रुपैयाँ व्यवस्था गरेको बैंकले यस वर्ष १०६ प्रतिशतले वृद्धि गर्दै ४ करोड २९ लाख रुपैयाँमा पुर्याएको छ ।
बैंकमा निष्कृय कर्जा अनुपात सुधार भएको छ । यस त्रैमासमा बैंकमा निष्कृय कर्जा अनुपात ८३ प्रतिशत छ । गतवर्ष खराब कर्जा अनुपात २.०९ प्रतिशत थियो । बैंकको प्रतिशेयर आम्दानी १३ रुपैयाँ ५९ पैसा छ भने प्रतिशेयर नेटवर्थ ११८ रुपैयाँ ७७ पैसा छ ।
