बैंकले खुद ब्याज आम्दानीमा राम्रो सुधार गरे पनि नाफा घटेको हो । बैंकको कर्मचारी खर्च र अन्य व्यवस्थापन खर्चको आकार बढ्दा खुद नाफामा गिरावट आएको हो ।
कर्मचारी व्यवस्थापनमा १८ करोड ८ लाख रुपैयाँ खर्च गरेको बैंकले १३ करोड १२ लाख रुपैयाँ अन्य सञ्चालन खर्च गरेको छ ।
बैंकले गतवर्षको तुलनामा कर्मचारी खर्च ५६ प्रतिशत र अन्य सञ्चालन खर्चमा २४.३१ प्रतिशतले बढाएको देखिन्छ ।
चुक्ता पूँजी दुई अर्ब ८४ करोड ४५ लाख रहेको बैंकको जगेडा कोषमा एक अर्ब ५ करोड ९ लाख रुपैयाँ सञ्चित छ ।
पुस मसान्तसम्ममा २८ अर्ब ८९ करोड ७६ लाख रुपैयाँ निक्षेप संकलन गरेको बैंकले २५ अर्ब ३६ करोड ४८ लाख रुपैयाँ ऋण लगानी गरेको छ ।
बैंकले चालुआर्थिक वर्षको ६ महिनामा ६२ करोड ५८ लाख रुपैयाँ खुद ब्याज आम्दानी गरेको छ । गत वर्षको यसै अवधिको तुलनामा बैंकको खुद ब्याज आम्दानी १७ करोड १४ लाख अर्थात ३७.७ प्रतिशतले बढेको हो ।
बकैंकमा निष्कृय कर्जा अनुपात ४.४१ प्रतिशत छ । प्रतिशेयर आम्दानी १३ रुपैयाँ ९० पैसा रहेको बैंकको प्रतिशेयर नेटवर्थ १३६ रुपैयाँ ९५ पैसा छ ।
