गत वर्ष पुस मसान्तमा कम्पनीले १९ करोड १० लाख रुपैयाँ खुद बीमा शुल्क आर्जन गरेको थियो ।
चालु आर्थिक वर्षको पुस सम्ममा कम्पनीले ५ करोड ८५ लाख रुपैयाँ खुद नाफा कमाएको छ । यो गत आर्थिक वर्षको यसै अवधिको तुलनामा १ करोड ३ लाख रुपैयाँले बढी हो । गत वर्षको सोहि अवधिमा कम्पनीले ४ करोड ८२ लाख रुपैयाँ खुद नाफा कमाएको थियो ।
कम्पनीले पुर्नबीमा कमिशन आयबाट ७ करोड ५ लाख रुपैयाँ, लगानी कर्जा तथा अन्य आयबाट १ करोड ६५ लाख रुपैयाँ आम्दानी गरेको छ ।
चुक्ता पूँजी ५४ करोड रुपैयाँ रहेको कम्पनीले जगेडा कोषमा १४ करोड ५५ लाख रुपैयाँ, बीमा कोषमा २० करोड ७२ लाख रुपैयाँ सञ्चित छ । गत आवकाे पुसमा कम्पनीकाे जगेडा कोषमा ११ करोड ४९ लाख रुपैयाँ, बीमा कोषमा ११ करोड ७६ लाख रुपैयाँ थियाे ।
यस अवधिमा कम्पनीले १ हजार २३० दाबी वापत १६ करोड ७५ लाख रुपैयाँ भुक्तानी गरेको छ भने अझै १ हजार ७०३ दाबी वापत २५ करोड १२ लाख रुपैयाँ भुक्तानी गर्न बाँकी छ ।
हाल सम्म कम्पनीले ४१ हजार १५२ वटा बीमालेखबाट ६० करोड ४९ लाख रुपैयाँ कूल बीमा शुल्क 
आर्जन गरेको छ । यस अवधिमा कम्पनीको ५ हजार ४५ बीमालेख नवीकरण भएका छन् ।
कम्पनीको प्रतिशेयर आम्दानी गत आवको दोस्रो त्रैमासको तुलनामा ३ रुपैयाँ ८३ पैसाले सुधार भई २१ रुपैयाँ ६९ पैसा कायम भएको छ । कम्पनीको प्रतिशेयर नेटवर्थ १६५ रुपैयाँ ३४ पैसा र मूल्य आम्दानी अनुपात २०.८४ गुणा बढी छ ।
