धितोपत्र बोर्डले आगामी वैशाख एक गतेदेखि शेयर खरिदमा प्यान अनिवार्य गर्ने भनेपछि शेयर बजारमा हलचल पैदा गरेको थियो । लगानीकर्ताले निरन्तर यसको विरोध गर्दे आएका थिए ।
सोमबार धितोपत्र बोर्डले प्यान व्यवस्था सम्बन्धी सरोकारवालसँग गरेको छलफलमा तत्काल प्यान अनिवार्य नगरिने अनौपचारिक सहमति भएको छ ।
कार्यक्रममा बोर्ड अध्यक्ष कार्कीले प्यान अनिवार्य गर्न व्यवहारिक र प्राविधिक कठिनाई रहेको औल्याउँदै धेरै लगानीकर्ताले प्यान नलिएकाले पनि अनिवार्य गर्न सकिने अवस्था नरहेको स्वीकार गरे । तर उनले यसको अन्तिम निर्णय बोर्डले गर्न नसक्ने भन्दै सम्बन्धीत निकायमा सरोकारवालाले दिएको सुझाब राख्ने उद्घोष गरे । । उनले भने, ‘कर निर्धारण गर्ने बोर्डको काम होइन, हामी सरोकारवाला निकायसंग थप आवश्यक गृहकार्य गरेर अघि बढने छौं ।’
छलफलमा सहभागी लगानीकर्ताहरुले भने आफ्ना पुराना मागहरु नै यथावत राखेका थिए । छलफलमा लगानीकर्ताहरुले अनिवार्य भन्ने शब्द हटाएर एच्छिक गर्नुपर्ने माग राखे । त्यस्तै पूँजीगत लाभकर ७.५० प्रतिशत नै अन्तिम हो वा होईन एकिन गर्न पनि बोर्डको ध्यानकर्षण गराए । उनीहरुले सरकार र लगानीकर्ताको पुलको काम धितोपत्र बोर्डले गर्नुपर्नेमा जोड दिए ।
बोर्डका कार्यकारी निर्देशक परिष्टनाथ पौड्यालले लगानीकर्ताहरुबाट उठेको जिज्ञासा लाई अर्थ मन्त्रालय र अन्तिक राजश्व विभागसंग निरन्तर छलफल गरी निक्र्योल गर्ने अश्वासन दिए । यस्तै उनले प्यान कार्डले परिचयपत्रको काम गर्ने पनि जानकारी गराए ।
बोर्डले चालु आर्थिक वर्षको नीति तथा कार्यक्रम अन्तगर्त लगानीकर्ताहरुलाई प्यान लिन प्रोत्साहान गर्ने उदेश्यले छलफल तथा अन्र्तकृया कार्यक्रम आयोजना गरेको हो । यस अघिनै धितोपत्र बोर्डले २०७६ बैशाख १ गते अनिवर्या प्यान लागु गर्ने सूचना जारी गरीसकेको छ ।
