कम्पनीको शेयर अन्तिम पटक नेप्सेमा प्रतिकित्ता ५०१ रुपैयाँमा कारोबार भएको छ।
कर्पोरेशनले लाभांश पारित गर्न चैत ११ गते बिहान ११ बजे ५२ औं वार्षिक साधारण सभा बोलाएको छ ।साधारण सभा प्रयोजनको लागि कर्पोरेशनले फागुन २४ गते देखि चैत ११ गतेसम्म बुकक्लोज गर्ने निर्णय सञ्चालक समितिले गरेको छ। यस अुनसार फागुन २३ गते बिहीबारसम्म कायम शेयरधनीले लाभांश प्राप्त गर्न योग्य हुनेछन्।
सञ्चालक समितिले आर्थिक वर्ष २०७४/७५ को खुद मुनाफाबाट शेयरधनीलाई चुक्ता पूँजीको २५ प्रतिशतले हुन आउने ३ करोड ७ लाख ८ हजार ३५० रुपैयाँको बोनस शेयर र १० प्रतिशतका दरले कर सहित १ करोड २२ लाख ८३ हजार ३४० रुपैयाँ नगद लाभांश वितरण गर्ने प्रस्ताव गरेको छ । सभाले सो लाभांश अनुमोदन गर्नेछ।
यस्तै सर्वसाधारण शेयरधनीहरुको तफबाट सञ्चालक समितिमा प्रतिनिधित्व गर्ने संचालक पदमा ७ जना निर्वचन गर्नेछ ।
काठमाडौंको कालिमाटीमा केन्द्रीय कार्यालय रहेको यस कम्पनीको चुक्ता पूँजी १२ करोड २७ लाख ९३ हजार ४०० रूपैयाँ रहेको छ । बोनस पश्चात कम्पनीको चुक्ता पूँजी १५ करोड ३४ लाख ९१ हजार ७५० रूपैयाँ पुग्नेछ ।
