सूचीकरणसँगै दुबै कम्पनीका उक्त बाेनस शेयर आइतबारदेखि खरिद बिक्री गर्न सकिनेछ ।
सेन्ट्रल फाइनान्सले ६ लाख ६३ हजार ८४६ कित्ता बोनस नेप्सेमा सूचीकृत गराएको छ । फाइनान्सको गत मंसिर मंसिर १ गते सम्पन्न २१ औं वार्षिक साधारण सभाले आर्थिक वर्ष २०७३/७४ को नाफाबाट शेयरधनीलाई चुक्ता पूँजीको ८.७६ प्रतिशत बोनस वितरण गर्ने प्रस्ताव पारित गरेको थियो ।
गत आर्थिक वर्षको नाफाबाट फाइनान्सले ७ प्रतिशत नगद लाभांश वितरण गर्न प्रस्ताव गरेको छ । लाभांश पारित गर्न फाइनान्सले चैत ५ गते साधारण सभा आह्वान गरेको छ।
यसैगरि सप्तकोशी डेभलपमेन्ट बैंकले एक लाख ५२ हजार ५५३ कित्ता बोनस सूचीकरण गराएको हो ।बैंकको गत पुस २८ गते सम्पन्न छैटौं वार्षिक साधारण सभाले आर्थिक वर्ष २०७४/७५ को नाफाबाट चुक्ता पूँजीको ३ प्रतिशत बोनस र ५.०६४ प्रतिशत नगद लाभांश वितरण गर्ने पारित गरेको थियो । सोही शेयर बिहीबार कारोबारका लागि सूचीकरण भएको हो ।
