उनले भने, ‘यस संस्थाको क्षमता बढाउन नेपाल राष्ट्र बैंकमा रहेको ग्रामिण स्वाबलम्बन कोषसंग मर्ज गर्न अथवा एकिकृत कारोबार गर्नलाई प्रकृया अगाडि बढ्यो । त्यसको कार्यबिधि स्वीकृत भैसकेको छ । संयोगले आज म यहाँ आउनु भन्दा अगाडि त्यस समबन्धी फाइलमा हस्ताक्षर गरेर पठाएको छु ।’
बैदेशिक स्रोतको विषयमा पनि धेरै दातृनिकायहरुसंग छलफल भैरहेको अर्थमन्त्री खतिवडाले जानकारी गराए । ‘सस्तो व्याजदरमा कर्जा उपलब्ध गराउने प्रकृया चलिरहेको छ । कतिपय कुराहरु अन्तिम चरणमा पुगिसकेका छन् ।’ उनले भने । साथै उनले व्याजदरको विषयमा लघुवित्त संस्थालाई जिम्मेबार बन्न निर्देशन समेत दिए ।
साना किसान अब सधै सानै भैरहनु नपर्ने बताउदै संस्थाको स्तरोन्नती आवश्यक रहेको अर्थमन्त्री खतिवडाको भनाई छ ।लघुवित्त संस्थाहरुको स्तरोन्नती सरकारले पहल गर्दै आइरहेको उनले जानकारी गराए । ‘घ’ वर्गका वित्तीय संस्थाहरु मिलेर ‘ख’ वर्गको वित्तीय संस्था हुन सक्ने गरि संभावनाहरु खोज्दै रहेको पनि मन्त्री खतिवडाले जानकारी गराए ।
यस्तै वित्तीय संस्थाले आर्थिक वर्ष २०७५/०७६ को अर्धवार्षिक अवधिमा २३ करोड ९१ लाख खुद मुनाफा गरेर संस्थाको अधिकृत तथा जारी पूँजी एक अर्ब र चुक्तापुँजी ७८ करोड ६० लाख ३५ हजार पुगेको लघुवित्तका प्रमुख कार्यकारी अधिकृत डा. शिवराम प्रसाद कोइराला जानकारी गराए ।
यस अवधिको लघुवित्तको प्रति शेयर आम्दानी ५० रुपैयाँ ०१ पैसा, प्रति शेयर बुक नेटवर्थ २५० रुपैयाँ ७० पैसा मुल्य आम्दानी अनुपात २३.२० गुणा बढी छ ।