पहिलाे चरणमा अपुग रोजगार संयोजक पदमा पुनःआवेदन खुल्याे, चैत ९ गते सम्म दरखास्त दिन सकिने

Mar 14, 2019 Merolagani

आवश्यक संख्यामा पदपूर्ति नभएपछि सरकारले रोजगार संयोजक पदमा पुनः आवेदन माग गरेको छ । सरकारले दाेस्राे पटक २४९ जना शाखा अधिकृत र १९ जना नायव सुब्बा गरी २६८ जना रोजगार संयोजकका लागि आवेदन माग गरेको हो ।

ईच्छुक उम्मेदवारहरुलाई चैत्र ९ गते भित्र प्रधानमन्त्री रोजगार कार्यक्रमको वेवसाईट www.pmep.gov.np मार्फत अनलाईन दरखास्त पेश गर्न आव्हान गरिएको छ ।

शाखा अधिकृत सरहको रोजगार संयोजकका लागि नेपाल सरकारबाट मान्यताप्राप्त शिक्षण संस्थाबाट कम्तीमा स्नातक तह वा सो सरह र नायब सुब्बा सरहको लागि कम्तीमा प्रवीणता प्रमाण पत्र तह वा सो सरह उत्तीर्ण गरेको हुनुपर्ने व्यवस्था छ ।

यस्तै दरखास्त दिने अन्तिम मितिमा २१ वर्ष पुरा भई ४५ वर्ष ननाघेको, भविष्यमा सरकारी सेवाका लागि अयोग्य ठहरिने गरी कुनै कारवाही नभएको हुनुपर्नेछ ।

बिस्तृत विवरण यहाँ हेर्नुहाेस्

 

 

 


comments powered by Disqus

शिवम् सिमेन्टको शेयर सूचीकरण, कतिमा खुल्छ कारोबार ?

Mar 19, 2019

शिवम सिमेन्ट (SCL) को चैत ५ गते मंगलबार ४ करोड ४० लाख कित्ता शेयर सूचीकृत भएको छ। कम्पनीले मंगलबार नेप्सेसँग काराेबारका लागि सूचीकरण सम्झौता गरेसँगै बिहीबारदेखि कारोबार हुनेछ। बुधबार फागु पूर्णिमाको सार्वजनिक विदा परेकाले चैत ७ गते बिहीबार मात्रै नेप्सेमा कारोबार खुल्ने भएकाे हाे।