बोर्डले प्यानमा लचकता अपनाउदा शेयर कारोबारमा सुधार, नेप्से पनि बढ्यो

Mar 14, 2019 Merolagani

नेपाल धितोपत्र बोर्डले स्थायी लेखा नम्बर (प्यान) कार्यान्वयनमा लचकता अपनाएपछि विहीबारको शेयर कारोबारमा सुधार देखिएको छ भने नेप्से परिसूचक समेत बढेको छ । बोर्डले एकैपटक पाँच लाख भन्दा बढीको कारोबारमा मात्र प्यान अनिवार्य गरेपछि लगानीकर्ताले राहत महशुस गरेका छन् ।

बोर्डले पाँच लाख रुपैयाँभन्दा माथिको कारोबारमा मात्र प्यान अनिवार्य गर्ने निर्णय गरेको छ। शेयर लगानीकर्ताको चर्को विरोधपछि बोर्डले पाँच लाख रुपैयाँको सीमा तोकेको हो । ५ लाखभन्दा कमको कारोबार गर्नेहरुले पनि ऐच्छिक रुपमा प्यानमा आबद्ध हुन सक्ने बोर्डले जनाएको छ ।

आगामी बैशाख १ गतेदेखि ५ लाखभन्दा बढीको शेयर कारोबारमा भने प्यान अनिवार्य हुनेछ । बोर्डका अनुसार एकपटकमा पाँच लाख वा सो भन्दा बढी रकमको शेयर कारोबार गरेमा प्यान अनिवार्य चाहिनेछ ।

शेयर बजारमा साना लगानीकर्ताहले एकैपटकमा पाँच लाखको कारोबार कमै गर्ने भएकाले उनीहरुलाई प्यानको झन्झट नपर्ने भएपछि बजारमा सुधार देखिएको हो ।

साताको अन्तिम दिनको बिहिबार बजार सामान्य बढेको छ । तर कारोबार रकम भने अघिल्लो दिनको तुलनामा दश करोड रुपैयाँले बढेको छ ।

बिहिबार नेप्से परिसूचक ५.४० अकले बढेर ११५५.५० बिन्दुमा पुगेको छ । यस दिन १७१ कम्पनीको १३ लाख ३९ हजार ९७२ कित्ता शेयर ४८ करोड ५८ लाख रुपैयाँमा खरिद बिक्री भयो । बुधबार ३८ करोड ७३ लाख रुपैयाँमा कारोबार भएको थियो ।

नियामक निकायले शेयर बजार सुधारको लागि बजारको आवश्यकता अनुसार नीतिलाई व्यसवस्थापन गर्ने प्रतिवद्धता गरे सँगै बजारमा सुधारको संकेत देखिएको हो ।

बिहिबार कारोबारमा आएका १० उपसूचक मध्ये उत्पादन तथा प्रशोधन समूहको सूचक मात्र ०.२३ अंकले ऋणात्मक भयो ।

यसदिन सबै भन्दा धेरै अर्थात ४०.०९ अंबले बढोत्तरी भएको छ । विकास बैंक समूहको सूचक २२.५४ अंकले बढेको छ भने र्निजीवन बीमा समूहको सूचक २२.०८ अंकले बढेको हो । यसैगरीजीवन बीमा ५.३७, वित्त समूह ५.०५, जलविद्युत ४.६७, बैंकिङ्ग ४.५९, लघुवित्त २.११ र अन्य समूहको सूचक २.३ अंकले बढेको छ ।

बिहिबार नेशनल लाइफ इन्स्योरेन्स कम्पनीको संस्थापक शेयरको खरिद बिक्री सबै भन्दा धेरै भएको छ । इन्स्योरेन्सको एक लाख ९६ हजार २६२ कित्ता शेयर २१ करोड रुपैयाँमा किनबेच भयो ।
यस दिन तिनाउ विकास बैंक तथा युनाइटेड फइनान्सको शेयर मूल्य सबै भन्दा धेरै अर्थात ९.८८ प्रतिशतले बढेको छ । यता राद्यि हाइड्रोपावरको शेयर मूल्य सबै भन्दा धेरै अर्थात ६.१२ प्रतिशतले घटेको छ ।

comments powered by Disqus

शिवम् सिमेन्टको शेयर सूचीकरण, कतिमा खुल्छ कारोबार ?

Mar 19, 2019

शिवम सिमेन्ट (SCL) को चैत ५ गते मंगलबार ४ करोड ४० लाख कित्ता शेयर सूचीकृत भएको छ। कम्पनीले मंगलबार नेप्सेसँग काराेबारका लागि सूचीकरण सम्झौता गरेसँगै बिहीबारदेखि कारोबार हुनेछ। बुधबार फागु पूर्णिमाको सार्वजनिक विदा परेकाले चैत ७ गते बिहीबार मात्रै नेप्सेमा कारोबार खुल्ने भएकाे हाे।