अमेरिका र चीनको व्यापार युद्धका कारण विश्वव्यापी अर्थतन्त्रमा नै प्रत्यक्ष प्रभाव परेका कारण दुवै पक्ष यसबारेमा गत वर्षको डिसेम्बर महिनादेखि नै वार्ता गरिरहेका छन् ।
यसै बीच चीनका राष्ट्रपति शी जिनपिंगले यस महिना फ्लोरिडामा ट्रम्पका साथ मार–अ–लागो रिसोर्टमा हुने भनिएको सम्भावित भेटवार्तालाई स्थगित गरिदिएका छन् ।
यसै सम्बन्धमा ट्रम्पले भने, मलाई लाग्छ कुरा सही दिशामा अगाडि बढीरहेको छ । अब यो कुरा कहिले पूरा हुनेछ हामी पनि हेरौँला । चीनसँग व्यापार सम्झौताका लागि मलाई कुनै हतार पनि छैन र म केबल यति चाहन्छु कि, सम्झौता सही होस्, जुन महत्वपूर्ण रहेको छ । कसैले म हतारमा छुँ भन्ने कसले हल्ला फैलायो मलाई थाहा छैन ।
ट्रम्पले आफूलाई शुल्कका कारण अरबौँ–खरबौँ डलर प्राप्त भइरहेका कारण कुनै प्रकारको हतारो नभएको बताए । उनले भने, सम्झौता सही हुन पर्याे र हाम्रो लागि उत्कृष्ट हुनपर्याे भन्ने हाम्रो मान्यता हो । एजेन्सी
