कम्पनीको आइपिओलाई खराब रेटिङ्ग पाएपनि शेयर निष्काशन गर्न भने पाउनेछ । धितोपत्र बोर्डले केहि समय अघि खराब रेटिङ्ग पाएका कम्पनीहरुले आईपिओ निष्काशन गर्न नपाउने व्यवस्था गरेको छ ।
तर त्यस अघि नै स्थानीय आयोजना प्रभावितलाई आईपिओ निष्काशन गरीसकेको कम्पनीलाई भने त्यो व्यवस्था लागु नहुने जनाएको छ । त्यस अनुसार मैलुङ खोला जुविद्युत कमपनीले भने सर्वसाधारणलाई शेयर निष्काशन गर्न बोर्डबाट अनुमति पाउने निश्चित छ ।
यस भन्दा अघि आयोजना प्रभावित क्षेत्रका स्थानीयलाई शेयर निष्काशन गर्नुभन्दा अगाडि ग्रेड ४ रेटिङ्ग पाएको थियो । कम्पनीले सर्वसाधारणको लागि आईपिओ निष्काशन गर्न फेरी रेटिङ्ग गर्दा खराब रेटिङ्ग पाएको हो ।
कम्पनीको जारी पूँजी ३६ करोड ८१ लाख ४३ हजार रुपैयाँ रहेको छ । कम्पनीमा ७० प्रतिशत शेयर संस्थापक समुहको, स्थानीय बासीन्दाका लागि १० प्रतिशत र सर्वसाधारणका लागि २० प्रतिशत शेयर स्वामित्व संरचना रहेको छ । जसमध्ये २५ करोड ७७ लाख रुपैयाँ संस्थापक शेयरधनीबाट चुक्ता भईसकेको छ । ६ मेगावाट विद्युत उत्पादन क्षमता रहेको यो आयोजना रसुवा जिल्लाको डाँडागाउँमा रहेको छ ।