१४ फेब्रुअरीमा पुलवामा भएको आक्रमणपछि भारतले सबै प्रकारका तरकारीको निर्यातमा २०० प्रतिशत शुल्क लगाएको छ । यस्तोमा पाकिस्तानका लागि भान्साको बजेट खर्च नै बिथोलिएको छ ।
भारतद्धारा तरकारीको आपूर्ति बन्द गरिएपछि गत वर्ष ३९ रुपैयाँमा बिकेको गोलभेडा हाल ३२० रुपैयाँ प्रतिकेजी पुगेको बताइएको छ । उक्त मूल्यमा गोलभेडा किन्नका लागि खरिदकर्ताहरुको संख्या एकदमै कम भएका कारण त्यहाँका स्थानीय बजारमा विस्तारै–विस्तारै गोलभेडा हराउने स्थितिमा रहेको बताइएको छ ।
गोलभेडाजस्तै हरियो खुर्सानी पनि पाकिस्तानका लागि ज्यादै नै पीरो साबित हुदैँ गएको छ । सन् २०१८ मा खुर्सानीको मूल्य १०० रुपैयाँभन्दा पनि कम रहेकोमा एक महिनाको अवधिमा नै हरियो खुसानीको मूल्य ६४० रुपैयाँभन्दा बढी पुगेको छ । खबरका अनुसार, तरकारी पसरलमा खुर्सानी पूर्ण रुपमा गायब नै हुने स्थिति आइसकेको बताइएको छ ।
उता इमरान सरकारले तरकारी बेच्ने व्यापारीहरुलाई ती तरकारी नबेचेको भन्दै जरिवाना लगाइरहेको छ । सरकारले खुर्सानी र गोलभेडाका लागि एक निश्चित दर समेत तोकिदिएको छ ।
सरकारले तोकेकोभन्दा बढी मूल्यमा फलफूल तथा तरकारी बेचेमा जरिवाना लगाउने गर्दछ । पाकिस्तानमा गोलभेडा र हरियो खुर्सानी भारतका अलावा सिन्ध र बलूचिस्तान प्रान्तबाट आपूर्ति हुने गर्दछ । यद्यपी ती दुई प्रान्तमा तीव्र बर्षाका कारण खाद्यान्नमा ठूलो असर परेको छ । एजेन्सी
