सोमबार सम्पन्न साधारण सभाले आ.व. २०७३/०७४ को वासलात र आय व्यय विवरणलाई अनुमोदन समेत गरेको छ। कम्पनीका अध्यक्ष हेमन्त भार्गवले शेयरधनीहरुलाई आर्थिक वर्ष २०७४/७५ को १७ औं वार्षिक साधारण सभा पनि यथासक्य चाँडो सम्पन्न गर्ने बताए।
भार्गवल चालु आ.व. २०७५/०७६ को पुस मसान्तसम्ममा कम्पनीले कूल बीमाशुल्क आर्जन ५८१.१३ करोड भैसकेको र कम्पनीको जीवन बीमा कोषमा ४,८६८.७० करोड जम्मा रहेको बताए।
आ.ब. २०७३/०७४ मा कम्पनीले एक लाख ७८ हजार ५११ नयाँ बीमालेखहरु बिक्री गरी प्रथम बीमाशुल्क आम्दानी बापत २ अर्ब ६३ करोड ३५ लाख संकलन गर्न सफल भएको छ । २०७४ आषाढ मसान्तसम्ममा यस कम्पनीमा कूल चालु बीमालेखको संख्या ७ लाख २० हजार ४५० र कूल जीवन बीमा कोषमा ३ हजार ३५५ करोड संकलन भएको कम्पनीले जनाएको छ।
कम्पनीले आर्थिक वर्ष २०७३/०७४ मा कम्पनीको कूल जीवन बीमा कोषमा २६.७१ प्रतिशत, प्रथम बीमाशूल्क आर्जनमा १६.२६ प्रतिशत, बीमालेख बिक्रीमा २१.६७ प्रतिशत, लगानीतर्फ ३०.४० प्रतिशत, लगानीबाट प्राप्त आम्दानीमा ४५.४३ प्रतिशतको बृद्धिदर रहेको जनाएको छ।
