बीमा कम्पनीहरुले पहिलो पटक नेप्सेमा सूचीकृत कम्पनीहरुको ऋणपत्रमा लगानी गर्न पाउने भएको छ। बीमा समितिले यस अघि नेपाल राष्ट्र बैंक र सरकारको ऋणपत्रमा मात्रै लगानी गर्न पाउने व्यवस्थालाई बीमकको लगानी निर्देशिका २०७५ जारी गर्दै बीमकको लागि यस्तो व्यवस्था गरेको हो ।

बीमा कम्पनीलाई लगानीको लागि नश्चित क्षेत्र तोकिएको भएपनि प्रया इन्सयोरेन्स कम्पनीहरुले बैंक तथा वित्तीय क्षेत्रमा निक्षेप लगानी गरि आम्दानी गर्दै आइरहेको थियो । अहिले बीमा समितिले बीमकको लागि लगानी निर्देशिका लागु गरेपछि बीमा कम्पनीको लागि लगानीको थप बाटो खुलेको हो । 

नेपाल धितोपत्र बोर्डवाट इजाजतपत्र प्राप्त विनिमय बजारमा सूचीकृत पब्लिक कम्पनीको ऋणपत्रमा पनि बीमक कम्पनीहरुले लगानी गर्ने सकिने व्यवस्था गरेको छ । यस अघि यस्तो व्यवस्था गरेको थिएन् । बीमकले सुचिकृत कम्पनीको ऋणपत्रमा कुल टेक्निकल रिजर्भको २० प्रतिशतसम्म लगानी गर्न सकिनेछ ।

समितिले जारी गरेको निर्देशिकामा नेपाल सरकार वा राष्ट्र बैंकको बचतपत्र वा ऋणपत्र वा नेपाल सरकारको जमानत प्राप्त बचतपत्र वा ऋणपत्रमा कुल टेक्निकल रिजर्भको ५ प्रतिशत सम्म लगानी गर्न सकिने व्यवस्था छ ।

यस्तै राष्ट्र बैंकबाट इजाजत प्राप्त क, ख र ग वर्गका बैंक तथा वित्तीय संस्थाहरुको अग्रधिकार शेयर (साधारण शेयरमा परिणत नहुने) र ऋणपत्रमा कुल टेक्निकल रिर्जभको २० प्रतिशत सम्म वा लगानी गरिने लगानी गरिने कम्पनीको चुक्ता पूँजीको १० सम्मगर्न सकिनेछ ।

त्यस निर्देशिका अनुसार बीमकलाई सुरक्षित ऋणपत्रमा लगानी गर्ने अवसर जुटेको छ भने ऋणपत्रहरु बिक्री नभईरहेको बेलामा बैंक तथा वित्तीय संस्थाहरुलाई पनि यो निर्देशिकाले थप राहत पुग्ने देखिन्छ ।