सम्मेलनका लागि १८ वटा जलविद्युत आयोजना छानिएका छन् । जसमा ७ वटा जलविद्युत आयोजना लगानी बोर्ड र ११ वटा निजी क्षेत्रबाट प्रस्तावित आयोजना रहेका छन् । सरकारी क्षेत्रले ७ वटा परियोजनाका लागि ११ खर्ब १ अर्ब २४ करोड ?पैयाँ बराबरको लगानी गर्ने र निजी क्षेत्रले ११ वटा परियोजनाका लागि एक खर्ब ६२ अर्ब ?पैयाँ लगानीमा परियोजना अघि सार्ने योजना रहेको छ ।
बोर्ड मातहतमा रहेर लगानी भित्र्याउन लागिएका आयोजनामा तमोर, सुनकोशी–२ र सुनकोशी–३, उत्तरगंगा, फुकोट कर्णाली, पश्चिम सेती र एसआर सिक्स रहेका छन् ।
त्यस्तै निजी क्षेत्रबाट लगानी भित्र्याउन लागिएका प्रस्तावित जलविद्युत आयोजनाह?मा त्रिशुली गल्छी, माथिल्लो चमेलिया, मध्यकालिगण्डकी, इन्गवा खोला, म्याग्दी खोला, तल्लो वरूणखोला, कालिगण्डकी गर्ज, माथिल्लो बलेफी, माथिल्लो बलेफी ए, नाम्लान खोला, तारपखोला रहेका छन् ।
सरकारी आयोजनामध्ये सबैभन्दा धेरै लागत पश्चिम सेती जलविद्युत आयोजनाको लागत १.६२ खर्ब लाग्ने र निजी क्षेत्रबाट सबैभन्दा धेरै लागत नाम्लान खोलामा ३८.५० अर्ब लागत लाग्ने अनुमान गरिएको छ ।
सरकारी परियोजना अन्तर्गतको सुनकोशी–२ को सबैभन्दा धेरै १ हजार १ सय १० मेगावाट उत्पादन क्षमता रहेको छ । जलविद्युत विकासमा सरकारले राखेको लक्ष्य पूरा गर्न सम्मेलन आयोजना गर्न लागिएको हो ।