गूगलले अनलाइन सर्च विज्ञापनमा प्रतिद्धन्द्धी कम्पनीहरुको विज्ञापनलाई ब्लक गरेको आरोप लगाइएको छ ।
यूरोपियन यूनियनले आफ्नो निर्णयमा भनेको छ कि, गूगलले सन् २००६ देखि २०१६ सम्म अनलाइन मार्केटमा आफ्नो पहुँचको गलत फाइदा उठाएको थियो । उसले थर्ड पार्टी प्रतिद्धन्द्धी कम्पनीहरुलाई अनलाइन सर्चमा विज्ञापन डिस्प्ले गर्नबाट रोक्यो ।
यूरोपियन यूनियनका अनुसार, कयौँ वेबसाइटमा गूगल सर्चको फंक्शन रहेको हुन्छ । कुनै प्रयोगकर्ताले त्यसको प्रयोग गर्छ भने सर्च रिजल्टका साथ सर्च विज्ञापन पनि डिस्प्ले हुने गर्दछ । गूगलले सर्च विज्ञापनमा प्रतिद्धन्द्धी कम्पनीहरुको विज्ञापनलाई ब्लक गरिदिने गर्दछ । गूगलले सर्च पेजमा माइक्रोसफ्ट र याहूजस्ता कम्पनीको विज्ञापन रोकिदएको थियो । माइक्रोसफ्टले सन् २००९ मा गूगलका विरुद्ध उजुरी समेत गरेको थियो ।
२ बर्षमा यूरोपियन यूनियनले गूगलमाथि तेस्रोपटक जरिवाना लगाएको हो । योभन्दा पहिले सन् २०१७ मा २४२ करोड यूरो र २०१८ मा ४३४ करोड यूरो जरिवाना लगाएको थियो । एजेन्सी