विशेषगरी, यातायात तथा शुरुङ्ग मार्ग निर्माणको कार्यमा स्वीस सरकारको विशेष दक्षता र अनुभव रहेकोले सो प्रविधिलाई नेपालमा प्रयोग गर्न चाहेको खतिवडाले बताए। उनले नेपाल सरकारले प्रस्तावित गरेको दुई सुरुङ मार्गको निर्माणलाई द्रुतगतिमा अगाडी बढाउन स्वीस सरकारसँग विशेष आग्रह समेत गरे।
अर्थ मन्त्रालयमा बिहीबार स्वीस डेभलपमेण्ट कोअपरेशन एजेन्सीका महानिर्देशक एचई मेनुएल सागेरसँग भएको भेटमा अर्थमन्त्री डा. खतिवडाले नेपालको समग्र विकास प्रयासमा स्वीस सरकारले पु¥याएको सहयोग प्रति धन्यवाद व्यक्त गर्दै थप सहयोगका क्षेत्रहरु बारे छलफल समेत गरे ।
भेटमा महानिर्देशक सागेरले नयाँ संविधान कार्यान्वयन गरेर सामाजिक–आर्थिक रुपान्तरणको मार्गमा नेपाल अग्रसर भएकाले त्यस निम्ति स्वीटजरल्याण्डले सक्दो सहयोग गर्ने बताए ।
सागेरले नेपालको भौगोलिक विविधताका कारण प्राप्त गर्न सक्ने लाभका क्षेत्रहरुमा आगामी दिनहरुमा पनि सहयोगको निरन्तरता रहने प्रतिवद्धता व्यक्त गरे ।
