ट्रम्पले लेखेका छन्, ‘अमेरिकाको वित्त मन्त्रालयले उत्तर कोरियामाथि पहिलेदेखि नै जारी प्रतिबन्धपछि अब ऊमाथि व्यापक स्तरमा अरू नयाँ अतिरिक्त प्रतिबन्ध लगाउने घोषणा गरेको थियो । मैले ती अतिरिक्त प्रतिबन्धलाई फिर्ता लिनका लागि आदेश दिएको छु्ँ ।’
यद्यपी ट्रम्पले आफ्नो ट्वीटमा कुन र कस्तो प्रकारको प्रतिबन्ध भन्ने बारेमा भने खुलासा गरेका छैनन र ट्रम्प प्रशासनका अधिकारीले पनि ट्रम्पले कुन प्रतिबन्धका बारेमा कुरा गरेको भन्ने कुराको बारेमा हालसम्म कुनै पनि जानकारी नभएको सीएनएनले आफ्नो रिपोर्टमा बताएको छ ।
ट्रम्पको प्रशासनले प्रतिबन्धको उल्लघंन गरेको र उत्तर कोरियालाई सहायता गरेको शंकामा दुईवटा चिनीयाँ जहाज कम्पनीमाथि शुक्रबार मात्र प्रतिबन्ध लगाएको थियो ।
ट्रम्प प्रशासनमा एक वरिष्ठ अधिकारीले भने, यो समय उत्तर कोरियामाथि नयाँ प्रतिबन्ध लगाइने छैन, तर चीनको शिपिंग कम्पनीमाथि लगाइएको रोक पहिलेको जस्तै नै कायम रहनेछ । एजेन्सी