लगानीकर्ताहरूले बोर्ड मुख्य गेटमा ताला लगाएपछि भित्र ३ जना कर्मचारी थुनिएका थिए । बाँकी सबै कर्मचारी करीब चार घण्टा बाहिर चौरमा बसेका थिए । तालावन्दीको समयमा बोर्डका अध्यक्ष रेवत वहादुर कार्की कार्यालय उपस्थित थिएनन् । कार्यकारी निर्देशक परिष्ठनाथ पौडेलले लगानीकर्ताको गुनासो सुनेका थिए ।
पौडेलसँग लगानीकर्ताहरूले वार्ताको माग गरेका थिए । उनीहरूले अर्थ मन्त्रालय, अन्तिरिक राजश्व विभाग र बोर्डका प्रतिनिधि उपस्थित भएर वार्ताको वातावरण बनाउन माग गरेका हुन् । वार्ताको वातावरण बनेमा गेटको ताला खोल्ने उनीहरूको भनाई छ । उनीहरूको मागको कुनै सुनुवाइ नगरी बोर्डले सुरक्षाकर्मी लगाएर ताला खोलेपछि बोर्ड परिसर तनावग्रस्त भएकाे छ । अहिले बाेर्डकाे मुख्य ढाेकाबाट कसैलाइ पनि प्रवेश गर्न दिइएकाे छैन ।
पूँजी बजार सुधार र विस्तारका लागि आफुहरूले राखेको ३२ बुँदे मागको कुनै सुनुवाई नभएको भन्दै शेयर लगानीकर्ता दबाब समूहले चैत १० गते आइतबार आन्दोलन गर्ने घोषण गरेका थिए ।
शेयर लगानीकर्ता दबाब समूहका अध्यक्ष हरि ढकालको नेतृत्वमा गएको टोलीले बोर्डको कार्यालय जावलाखेलमा तालाबन्दी गरेको हो ।
